രണ്ടാം ക്ലാസുകാരന്റെ കൊലപാതകം; പ്രിൻസിപ്പാളിനെ സസ്‌പെന്റ് ചെയ്തു

ന്യൂ ഡൽഹിയിലെ ഗുരുഗാവിൽ വിദ്യാർത്ഥി സ്‌കൂളിൽ കൊല്ലപ്പെട്ട നിലയിൽ കണ്ടെത്തിയ സംഭവത്തിൽ സ്‌കൂൾ പ്രിൻസിപ്പാളിനെ സസ്‌പെന്റ് ചെയ്തു. റയാൻ ഇന്റർ നാഷണൽ സ്‌കൂളിലെ ആക്ടിംഗ് പ്രിൻസിപ്പാൾ നീരജ ബത്രയെ ആണ് അന്വേഷണ വിധേയമായി സസ്‌പെന്റ് ചെയ്തത്.

രണ്ടാം ക്ലാസ് വിദ്യാർത്ഥിയെയാണ് സ്‌കൂൾ ശൗചാലയത്തിൽ കൊല്ലപ്പെട്ട നിലയിൽ കണ്ടെത്തിയത്. സംഭവത്തെ കുറിച്ച് അന്വേഷിക്കാൻ പ്രത്യേക സംഘത്തെ രൂപീകരിച്ചിട്ടുണ്ടെന്ന് ഗുരുഗാവ് ഡെപ്യൂട്ടി കമ്മീഷ്ണർ സിമർദീപ് സിംഗ് വ്യക്തമാക്കി.

സെപ്തംബർ എട്ടിനാണ് വിദ്യാർത്ഥിയെ കൊല്ലപ്പെട്ട നിലയിൽ കണ്ടെത്തിയത്. സംഭവത്തിൽ സ്‌കൂളിനെതിരെ പ്രതിഷേധം ശക്തമായിരിക്കുകയാണ്.