ഹോട്ടൽ ഭക്ഷണത്തിന്റെ ജിഎസ്ടി 5 % ആയി കുറച്ചു

ഹോട്ടലുകളിലെ ഭക്ഷണത്തിന് ജിഎസ്ടി അഞ്ച് ശതമാനമാക്കി കുറയ്ക്കാൻ ജിഎസ്ടി കൗൺസിലിൽ ധാരണ. പഞ്ചനക്ഷത്ര ഹോട്ടലുകളിൽ മാത്രം ഉയർന്ന നികുതിയായ 28 ശതമാനം തുടരും.

നേരത്തെ എ.സി റസ്റ്ററന്റുകളിൽ 18 ശതമാനവും നോൺ എ.സി റസ്റ്ററന്റുകളിൽ 12 ശതമാനവുമായിരുന്നു നികുതി. ഗുവാഹത്തിയിൽ നടന്ന ജിഎസ്ടി കൗൺസിലിന്റെ യോഗത്തിന് പിന്നാലെ കേന്ദ്രധനമന്ത്രി അരുൺ ജയറ്റ്‌ലിയാണ് ഇക്കാര്യം അറിയിച്ചത്.

ഹോട്ടലുകളിലെ ജിഎസ്ടി കുറയ്ക്കണമെന്ന് വിവിധ സംസ്ഥാനങ്ങൾ കൗൺസിലിനോട് ആവശ്യപ്പെട്ടിരുന്നു. നികുതി നിരക്കിലെ മാറ്റം ഈ മാസം പതിനഞ്ച് മുതൽ പ്രാബല്യത്തിൽ വരും.

hotel food GST cuts down to 5 percent