അമേരിക്കയിൽ സ്‌കൂളിൽ വെടിവെപ്പ്

അമേരിക്കയെ ഞെട്ടിച്ചുകൊണ്ട് സ്‌കൂളിൽ വീണ്ടും വെടിവയ്പ്പ്. വടക്കൻ കലിഫോർണിയയിലെ ടെഹാമ കൗണ്ടിയയിലുണ്ടായ വെടിവയ്പിൽ മൂന്ന് പേർ കൊല്ലപ്പെട്ടു. വിദ്യാർഥികൾ ഉൾപ്പെടെ നിരവധിപ്പേർക്ക് പരിക്കേറ്റിട്ടുണ്ട്.

സമീപത്തെ വീട്ടിലാണ് അക്രമം തുടങ്ങിയതെന്നും പിന്നീട്, ഇതു സ്‌കൂളിലേക്ക് വ്യാപിക്കുകയായിരുന്നുവെന്നും പ്രദേശിക മാധ്യമങ്ങൾ റിപ്പോർട്ട് ചെയ്തു. ഇന്ന് പുലർച്ചെയായിരുന്നു സംഭവം.

ട്രക്കിൽ എത്തിയ അക്രമി സ്‌കൂളിന്റെ ഗേറ്റ് തകർത്ത് അകത്തു കയറി വെടിയുതിർക്കുകയായിരുന്നു. ഒടുവിൽ പൊലീസ് ഇയാളെ വെടിവെച്ച് കൊല്ലുകയായിരുന്നു.