ളാഹയില്‍ വാഹനാപകടം; അ‍ഞ്ച് പേര്‍ക്ക് ഗുരുതര പരിക്ക്

ളാഹ ചെളിക്കുഴിയില് കെഎസ്ആര്‍ടിസി ബസ്സും ട്രാവലറും കൂട്ടിയിടിച്ച് അഞ്ച് പേര്‍ക്ക് ഗുരുതര പരിക്ക്.ഇന്ന് ഉച്ചയ്ക്ക് ഒരുമണിയോടെയാണ് അപകടം ഉണ്ടായത്. പമ്പയില്‍ നിന്ന് പത്തനംതിട്ടയിലേക്ക് പോകുകയായിരുന്ന കെഎസ്ആര്‍ടിസി  ബസ്സും ചെങ്ങന്നൂരില്‍ നിന്ന് പമ്പയിലേക്ക് പോകുകയുമായിരുന്ന ട്രാവലറും തമ്മിലാണ് കൂട്ടിയിടിച്ചത്.ഗുരുതര പരിക്കേറ്റ അഞ്ച് പേരെ സേഫ് സോണ്‍ പ്രവവര്‍ത്തകര്‍ പത്തനംതിട്ട ജനറല്‍ ആശുപത്രിയിലേക്ക് മാറ്റി. പരിക്കേറ്റ പത്ത് പേരെ നിലയ്ക്കല്‍ ആശുപത്രിയില്‍ പ്രവേശിപ്പിച്ചു. ആന്ധ്രയില്‍ നിന്ന് വന്ന അഞ്ച് പോലീസുകാരാണ് ട്രാവലറില്‍ ഉണ്ടായിരുന്നത്.