ജയറാമിന്റെ തല മൊട്ടയടിക്കുന്നത് ക്യാമറയില്‍ പകര്‍ത്തി പാര്‍വതി

പഞ്ചവര്‍ണ്ണ തത്ത എന്ന ചിത്രത്തിനുവേണ്ടി ജയറാം മുടി മൊട്ടയടിക്കുന്ന വീഡിയോ പുറത്ത്. ഭാര്യ പാര്‍വതി തന്നെയാണ് ഈ വീഡിയോ പകര്‍ത്തിയിരിക്കുന്നത്. ചിത്രം സംവിധാനം ചെയ്യുന്നത് രമേഷ് പിഷാരടിയാണ്. രമേഷ് പിഷാരടിയാണ് ഫെയ്സ്ബുക്കിലൂടെ ഈ വീഡിയോ പങ്കുവച്ചിരിക്കുന്നത്.
ജയറാമും പാര്‍വതിയും നായികാനായകന്മാരായി അഭിനയിച്ച ചിത്രം മഴവില്‍ കാവടിയിലെ രംഗങ്ങളും ചേര്‍ത്താണ് വീഡിയോ തയ്യാറാക്കിയിരിക്കുന്നത്. കുഞ്ചാക്കോ ബോബന്‍, മണിയന്‍ പിള്ള രാജു, അനുശ്രീ, സലീം കുമാര്‍, ധര്‍മ്മജന്‍ ബോള്‍ഗാട്ടി എന്നിവരും ചിത്രത്തില്‍ അഭിനയിക്കുന്നുണ്ട്.