മത്സരിച്ച രണ്ട് മണ്ഡലങ്ങളിലും മുകുള് സാംഗ്മയ്ക്ക് വിജയം
ഷില്ലോംഗ്: മേഘാലയ മുഖ്യമന്ത്രി മുകുൾ സാംഗ്മ മത്സരിച്ച രണ്ടു മണ്ഡലങ്ങളിലും വിജയിച്ചു. അംപാതി, സോംഗ്സാക് എന്നീ മണ്ഡലങ്ങളിലാണ് സാംഗ്മ ജനവിധി തേടിയത്. അംപാതിയിൽ എതിർ സ്ഥാനാർഥി ബിജെപിയുടെ ബാകുൾ ഹജോംഗിനെയാണ് സാംഗ്മ പരാജയപ്പെടുത്തിയത്. മേഘാലയ മുഖ്യമന്ത്രി 600 വോട്ടുകൾക്ക് എതിരാളിയെ പരാജയപ്പെടുത്തി മണ്ഡലം നിലനിർത്തി. എൻപിപി സ്ഥാനാർഥിയെയാണ് സോംഗ്സാകിൽ സാംഗ്മ പരാജയപ്പെടുത്തിയത്. തൊട്ടടുത്ത എതിരാളി നിഹിം ഡി ഷിരയേക്കാൾ 1,300 വോട്ടുകളുടെ ഭൂരിപക്ഷമാണ് മണ്ഡലത്തിൽ അദ്ദേഹം നേടിയത്. ഇവിടെ ബിജെപി മൂന്നാം സ്ഥാനത്തേക്കു പിന്തള്ളപ്പെട്ടു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here