പോലീസ് സ്‌റ്റേഷനുകളിൽ ഇനി നേരിട്ടെത്താതെ ഓൺലൈനായി പരാതി സമർപ്പിക്കാം

പൊതുജനങ്ങൾക്ക് പോലീസ് സ്റ്റേഷനിലും പോലീസ് ഓഫീസുകളിലും നേരിട്ടെത്താതെ ഓൺലൈനായി വിവിധ സേവനങ്ങൾ ലഭ്യമാക്കുന്ന പുതിയ പദ്ധതിക്ക് തുടക്കം. തുണ സിറ്റിസൺ പോർട്ടലിലൂടെ ഏതു സ്റ്റേഷനിലേക്കും ഓൺലൈനായി പരാതി സമർപ്പിക്കാം.

ഓൺലൈൻ പരാതിയുടെ തൽസ്ഥിതി അറിയാനും പോർട്ടലിലൂടെ സാധിക്കും. പോലീസ് സ്റ്റേഷനിൽ രജിസ്റ്റർ ചെയ്ത കേസുകളുടെ എഫ്.ഐ.ആർ പകർപ്പ് ഓൺലൈനിൽ പരാതിക്കാരന് ലഭിക്കും. പോലീസ് വെരിഫിക്കേഷൻ സർട്ടിഫിക്കറ്റിനും ഓണലൈനായി അപേക്ഷിക്കാം.

കാണാതായ വ്യക്തികളുടെ പേരു വിവരം ലഭിക്കാനും കാണാതായവരെക്കുറിച്ച് ലഭിക്കുന്ന വിവരങ്ങൾ ഓൺലൈനായി നൽകാനും തുണയിൽ സംവിധാനമുണ്ട്.