26 നിലകൾ; 6.5 ഡിഗ്രി ചെരിവ്; ഐപോഡ് മാതൃകയിൽ ഒരു കെട്ടിടം !

ലോകത്തെ വിസമയിപ്പിച്ച് വീണ്ടും ദുബായ്. ഐപോഡിന്റെ മാതൃകയിലാണ് ദുബായിൽ ഒരു കെട്ടിടം ഉയർന്നിരിക്കുന്നത്. ‘ദി പാഡ്’ എന്ന ഈ കെട്ടിടം സെൻട്രൽ ദുബായിയിലെ ബിസിനസ് ബേയിലാണ് നിർമ്മിച്ചിരിക്കുന്നത്.

26 നിലകളുണ്ട് ഈ കെട്ടിടത്തിന്. ഒരു ചാർജിങ് ഡോക്കിന്റെ പ്രതീതി ലഭിക്കാനായി 6.5 ഡിഗ്രി ചരിച്ചാണ് കെട്ടിടം നിർമിച്ചിരിക്കുന്നത്.

256 അപ്പാർട്‌മെന്റുകളാണ് ഇതിൽ നിർമിച്ചിരിക്കുന്നത്. ഒറ്റമുറി ഫഌറ്റുകൾ മുതൽ 5 ബെഡ്‌റൂം ഫഌറ്റുകൾ വരെ ഇതിനുള്ളിൽ ഒരുക്കിയിരിക്കുന്നു. ഓരോ അപ്പാർട്‌മെന്റുകളും വ്യത്യസ്തമായി പ്രോഗ്രാം
ചെയ്തിരിക്കുന്നു.

താമസക്കാർക്ക് ഇഷ്ടാനുസരണം ഇത് പ്രവർത്തിപ്പിക്കാം. ഉദാഹരണത്തിന് രാത്രിയിൽ
ഇഷ്ടമുള്ള വെളിച്ചം നിറയ്ക്കാം. ബയോമെട്രിക് ലോക്ക്, ഹെൽത് ട്രാക്കർ സംവിധാനമുള്ള കണ്ണാടികൾ എന്നിവയെല്ലാം ഇതിനുള്ളിൽ ഒരുക്കിയിട്ടുണ്ട്.

building that looks like a giant iPod