സ്വീഡന് സെമി സാധ്യത ഒരു ഗോള്‍ അകലെ; ആദ്യ പകുതിയില്‍ ഇംഗ്ലണ്ടിന് മേല്‍കൈ (1-0)
3 minutes Read
ആദ്യ മിനിറ്റുകളില്‍ ഇംഗ്ലണ്ട് വ്യക്തമായ ആധിപത്യം പുലര്‍ത്തുന്ന കാഴ്ചയാണ് കണ്ടത്. ചില ഒറ്റപ്പെട്ട അവസരങ്ങളില്‍ സ്വീഡന് മുന്നേറ്റം നടത്തി. ഇംഗ്ലണ്ടിന്റെ മുന്നേറ്റത്തെ പ്രതിരോധിക്കുകയാണ് ആദ്യ മിനിറ്റുകളില്‍ സ്വീഡന് ചെയ്തിരുന്നത്. ലോംഗ് റേഞ്ചര്‍ ഷോട്ടുകളിലൂടെ ഇംഗ്ലീഷ് താരങ്ങള്‍ സ്വീഡനെ പരീക്ഷിക്കുന്നു. എന്നാല്‍, സ്വീഡിഷ് പ്രതിരോധത്തില്‍ തട്ടി ഗോള്‍ സാധ്യതകള്‍ അകലുന്നു. ആദ്യ പകുതിയിലെ ബോള്‍ പൊസഷനില്‍ ഇംഗ്ലണ്ട് മികച്ചു നിന്നു. രണ്ട് വിങുകള്‍ കേന്ദ്രീകരിച്ചായിരുന്നു ഇംഗ്ലണ്ടിന്റെ ഭൂരിഭാഗം മുന്നേറ്റവും.
ആദ്യ മിനിറ്റുകളിലെ പാളിപ്പോയ മുന്നേറ്റങ്ങള്‍ക്ക് ഒടുവില്‍ മത്സരത്തിന്റെ 30-ാം മിനിറ്റില്‍ ഇംഗ്ലണ്ട് സ്വീഡന്റെ പ്രതിരോധ മതില്‍ പൊളിച്ചു. മത്സരത്തിന്റെ 30-ാം മിനിറ്റില്‍ ഹാരി മാഗ്വയറിലൂടെയാണ് ഇംഗ്ലണ്ട് ലീഡ് സ്വന്തമാക്കിയത്. സ്വീഡിഷ് പ്രതിരോധത്തെ പൊളിച്ച് ഉജ്ജ്വലമായ ഒരു ഹെഡര്‍ ഗോളാണ് മാഗ്വയര്‍ സ്വന്തമാക്കിയത്. മാഗ്വയറിന്റെ ആദ്യ ലോകകപ്പ് ഗോളാണ് ഈ മത്സരത്തില്‍ പിറന്നത്.
HARRY MAGUIRE SCORES HIS FIRST ENGLAND GOAL WITH A POWERFUL HEADER ? #SWEENG pic.twitter.com/zI0Ybv0kEd
— Futbol Replays (@Futbol_Replays) July 7, 2018
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English