ശശി തരൂർ ഇന്ന് കോടതിയിൽ നേരിട്ട് ഹാജരാകും

സുനന്ദപുഷ്‌കറിന്റെ ദുരൂഹമരണവുമായി ബന്ധപ്പെട്ട കേസിൽ ശശി തരൂർ എംപി ഇന്ന് ഡൽഹിയിലെ പ്രത്യേക കോടതിയിൽ നേരിട്ട് ഹാജരാകും. 3000 പേജുള്ള കുറ്റപത്രം അംഗീകരിച്ച കോടതി തരൂരിനോട് നേരിട്ട് ഹാജരാകാൻ ആവശ്യപ്പെട്ടിരുന്നു. ഡൽഹിയിലെ ചീഫ് മെട്രോപൊളിറ്റൻ മജിസ്‌ട്രേറ്റ് കോടതിയാണ് കേസ് പരിഗണിക്കുന്നത്.

കഴിഞ്ഞ വ്യാഴാഴ്ച്ച പ്രത്യേക സിബിഐ കോടതി ശശിതരൂരിന് മുൻകൂർ ജാമ്യം അനുവദിച്ചിരുന്നു. ഒരുലക്ഷം രൂപയുടെ ജാമ്യത്തുക കെട്ടിവയ്ക്കണമെന്നും കോടതിയെ അറിയിക്കാതെ രാജ്യംവിട്ടു പോകരുതെന്നും തെളിവു നശിപ്പിക്കാൻ ശ്രമിക്കരുതെന്നും കോടതി ഉത്തരവിലുണ്ട്.