പ്രളയം ഡാം മാനേജ്‌മെന്റിന്റെ പരാജയമോ; ഹർജികൾ ഇന്ന് ഹൈക്കോടതി പരിഗണിക്കും

കേരളത്തിലെ പ്രളയം ഡാം മാനേജ്‌മെന്റിന്റെ പരാജയമാണെന്നും മനുഷ്യ സൃഷ്ടിയാണെന്നും ചൂണ്ടിക്കാണിച്ച് ഹൈക്കോടതിയിൽ സമർപ്പിച്ച ഹർജി ഇന്ന് പരിഗണിക്കും.

ഹർജിയിൽ വിവിധ വകുപ്പുകൾ ഇന്ന് കോടതിയിൽ വിശദീകരണം നൽകിയേക്കും.
കേരളത്തിൽ ഓഗസ്റ്റ് 15 മുതൽ 17 വരെ കേരളത്തിൽ പെയ്ത അപ്രതീക്ഷിത മഴയാണ് പ്രളയകാരണമെന്നാണ് സർക്കാർ നിലപാട്. കേന്ദ്ര കാലാവസ്ഥാ ഏജൻസിയും മുന്നറിയിപ്പ് നൽകിയില്ലെന്ന് സർക്കാർ സത്യവാങ്മൂലം നൽകുമെന്നാണ് സുചന.