നടി നാഗ ജാന്‍സിയെ തൂങ്ങി മരിച്ച നിലയില്‍ കണ്ടെത്തി

തെലുങ്ക് സിനിമ-സീരിയല്‍ താരം നാഗ ജാന്‍സി (21) യെ തൂങ്ങി മരിച്ച നിലയില്‍ കണ്ടെത്തി. ഹൈദരാബാദിലെ ശ്രീനഗര്‍ കോളനിയിലെ വസതിയിലാണ് നടിയുടെ മൃതദേഹം കണ്ടെടുത്തത്. പ്രണയനൈരാശ്യമാണ് കാരണമെന്നാണ് സൂചന. ജാന്‍സിയെ ഫോണില്‍ വിളിച്ചിട്ടും കിട്ടാതിരുന്നതിനെ തുടര്‍ന്ന് സഹോദരന്‍ വീട്ടിലെത്തി നടത്തിയ അന്വേഷണത്തിലാണ് മൃതദേഹം കണ്ടത്.

കിടപ്പു മുറിയിലെ ഫാനില്‍ തൂങ്ങിയ നിലയിലായിരുന്നു മൃതദേഹം.  ഫഌറ്റില്‍ ഒറ്റയ്ക്കാണ് ജാന്‍സി താമസിച്ചിരുന്നത്. അതേ സമയം മരണത്തിനു തൊട്ടു മുന്‍പു വരെ നടിയുടെ ഫോണിലേക്കെത്തിയ ചാറ്റുകള്‍ കേന്ദ്രീകരിച്ച് പോലീസ് അന്വേഷണം തുടങ്ങിയിട്ടുണ്ട്. ചാറ്റ് ചെയ്തിരുന്ന യുവാവുമായി നടി അടുപ്പത്തിലായിരുന്നെന്നും ഈ ബന്ധത്തെ വീട്ടുകാര്‍ എതിര്‍ത്തിരുന്നതായും സൂചനയുണ്ട്.