മുന് തെരഞ്ഞെടുപ്പുകളെ അപേക്ഷിച്ച് ഇത്തവണ സ്ഥാനാര്ത്ഥി നിര്ണയം നേരത്തെയെന്ന് ഉമ്മന്ചാണ്ടി
മുന് തെരഞ്ഞെടുപ്പുകളെ അപേക്ഷിച്ച് ഇത്തവണ കോണ്ഗ്രസിന്റെ സ്ഥാനാര്ത്ഥി നിര്ണയം നേരത്തെയാണെന്ന് ഉമ്മന്ചാണ്ടി. കോണ്ഗ്രസ് സ്ഥാനാര്ത്ഥി നിര്ണ്ണയത്തില് കാര്യമായ പ്രശ്നങ്ങളില്ലെന്നും ഉമ്മന് ചാണ്ടി പറഞ്ഞു.ഇന്ന് രാത്രിയോടെയോ നാളെയോ മുഴുവന് സ്ഥാനാര്ത്ഥികളുടെയും പ്രഖ്യാപനമുണ്ടാകും. ആന്ധ്രയിലെ സ്ഥാനാര്ത്ഥി നിര്ണയത്തിനായാണ് താന് ഡല്ഹിയിലേക്ക് പോകുന്നതെന്നും ഉമ്മന്ചാണ്ടി പറഞ്ഞു.
കോണ്ഗ്രസിലെ സ്ഥാനാര്ത്ഥി നിര്ണയം വൈകുന്നതിനെതിരെ പാര്ട്ടിക്കുള്ളില് തന്നെ എതിര്പ്പുകളുയര്ന്നിരുന്നു. സംസ്ഥാനത്ത് കോണ്ഗ്രസിന്റെ സ്ഥാനാര്ത്ഥി പ്രഖ്യാപനം വൈകുന്നതിനെ വിമര്ശിച്ച് മുന് കെപിസിസി അധ്യക്ഷന് വി എം സുധീരന് കഴിഞ്ഞ ദിവസം രംഗത്തെത്തിയിരുന്നു. സ്ഥാനാര്ത്ഥി നിര്ണയം ഇതയും വൈകാന് പാടില്ലായിരുന്നുവെന്നും കുറച്ചു കൂടി ജാഗ്രത ഉണ്ടായിരുന്നെങ്കില് ഇങ്ങനെയൊരു സാഹചര്യം ഒഴിവാക്കാമായിരുന്നെന്നുമാണ് സുധീരന് മാധ്യമങ്ങളോട് പറഞ്ഞത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here