പാലാ പൊൻകുന്നത്ത് നിയന്ത്രണം വിട്ട കാർ ജീപ്പിലിടിച്ചു; 2 പേർക്ക് പരിക്ക്

പാലാ പൊൻകുന്നം അത്തിക്കലിൽ നിയന്ത്രണം വിട്ട കാർ ജീപ്പിലിടിച്ച് രണ്ടു പേർക്ക് പരിക്ക്. ജീപ്പ് ഓടിച്ചിരുന്ന കാഞ്ഞിരപ്പള്ളി സ്വദേശി ജെയ്‌സണും, കാർ ഡ്രൈവർക്കുമാണ് പരിക്കേറ്റത്. പാലായിൽ നിന്ന് പൊൻകുന്നത്തേക്ക് വരുകയായിരുന്ന കാർ മറ്റൊരു വാഹനത്തെ മറികടക്കുന്നതിനിടെ നിയന്ത്രണം വിട്ട് എതിർ ദിശയിൽ വന്ന ജീപ്പിൽ ഇടിക്കുകയായിരുന്നു. പരിക്കേറ്റ ഇരുവരെയും കോട്ടയം മെഡിക്കൽ കോളേജിൽ പ്രവേശിപ്പിച്ചു.