സി-ഡിറ്റ് പുറത്ത്; ‘നാം മുന്നോട്ട്’ നിർമ്മാണം കൈരളി ചാനലിന്
മുഖ്യമന്ത്രി പിണറായി വിജയന്റെ പ്രതിവാര സംവാദ ടെലിവിഷന്‍ പരിപാടിയായ നാം മുന്നോട്ടിന്റെ നിര്‍മ്മാണം കൈരളി ചാനലിന്. സര്‍ക്കാര്‍ സ്ഥാപനമായ സി ഡിറ്റിനെ ഒഴിവാക്കിയാണ് നല്‍കുന്ന കൈരളി ചാനലിന് പരിപാടിയുടെ നിര്‍മ്മാണ ചുമതല കൈമാറിയത്.
പരിപാടിയുടെ 70 എപ്പിസോഡിലേറെ പിന്നിട്ട ശേഷമാണ് നിര്‍മ്മാണ ചുമതല സ്വകാര്യ ചാനലിനെ ഏല്‍പ്പിക്കുന്നത്. കഴിഞ്ഞ ഡിസംബറില്‍ നിര്‍മാണ ഏജന്‍സിക്കായി പബ്ലിക് റിലേഷന്‍സ് വകുപ്പ് ടെന്‍ഡര്‍ ക്ഷണിച്ചിരുന്നു. ഇതില്‍ സി ഡിറ്റും പങ്കെടുത്തിരുന്നു.
എന്നാല്‍ തെരഞ്ഞെടുപ്പ് പൂര്‍ത്തിയാകും വരെ തുടര്‍ നടപടി ഉണ്ടായിരുന്നില്ല. വോട്ടെടുപ്പിന് പിന്നാലെ ഫിനാന്‍ഷ്യല്‍ ബിഡ് സമര്‍പ്പിക്കാന്‍ ആവശ്യപ്പെട്ടു. തുടര്‍ന്ന് കുറവു തുക നിര്‍ദേശിച്ച കൈരളി ചാനലിനെ നിര്‍മ്മാണച്ചുമതല ഏല്‍പ്പിക്കാന്‍ തീരുമാനിക്കുകയായിരുന്നു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
