മേരി കോം വിരമിക്കാനൊരുങ്ങുന്നു
ഇടിക്കൂട്ടിൽ ഇന്ത്യയുടെ ഇടിമുഴക്കമായ മേരി കോം വിരമിക്കാൻ ഒരുങ്ങുന്നു. 2020ലെ ടോക്കിയോ ഒളിമ്പിക്സിനു ശേഷം ബോകിസിംഗിൽനിന്നു വിരമിക്കാനാണ് താരത്തിന്റെ പദ്ധതി.
2020നുശേഷം ചിലപ്പോൾ താൻ വിരമിക്കും. എന്നാൽ തന്റെ പ്രധാന ലക്ഷ്യം രാജ്യത്തിനായി സ്വർണം നേടുകയാണ്. താൻ അതിനായി പോരാടുമെന്നും മേരി കോം പറഞ്ഞു. നിരവധി യുവാക്കളാണ് ബോക്സിംഗ് രംഗത്തെയ്ക്കു കടന്നു വരുന്നത്. ഉടൻ തന്നെ മറ്റൊരു മേരി കോം ഉണ്ടാകുമെന്ന് പ്രതീക്ഷിക്കുന്നുവെന്നും അവർ പറഞ്ഞു.
താൻ റിംഗിൽ 17 വർഷം പൂർത്തിയാക്കി. ഇത് ദീർഘകാലമാണ്. രാജ്യത്തിനായി പോരാടിയതിൽ താൻ അഭിമാനിക്കുന്നുവെന്നും മേരി കോം പറഞ്ഞു. രാജ്യത്തിനായി മെഡൽ നേടാനാണ് താൻ എപ്പോഴും ആഗ്രഹിക്കുന്നത്. പ്രത്യേകിച്ച് സ്വർണ മെഡൽ. താൻ ഉരുക്കു വനിതയല്ലെന്നും മേരി കോം പറഞ്ഞു.
ലോക ചാമ്പ്യൻഷിപ്പിൽ ആറ് സ്വർണ മെഡലുകളാണ് മേരി കോം ഇടിച്ചിട്ടത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here