വയനാട്ടിൽ തൊഴിലുറപ്പ് തൊഴിലാളി വെട്ടേറ്റ് മരിച്ചു

വയനാട് മാനന്തവാടി തവിഞ്ഞാലിൽ തൊഴിലുറപ്പ് തൊഴിലാളി വെട്ടേറ്റു മരിച്ചു. പ്രശാന്തഗിരി സ്വദേശിനി സിനി (32) ആണ് കൊല്ലപ്പെട്ടത്.വീടിനുള്ളിൽ വെട്ടേറ്റു മരിച്ച നിലയിലാണ് കണ്ടെത്തിയത്. തൊഴിലുറപ്പ് ജോലിക്കിടെ വീട്ടിലേക്ക് പോയ സിനി തിരികെയെത്താതിരുന്നതിനെ തുടർന്ന് സഹപ്രവർത്തകർ വീട്ടിൽ പോയി നോക്കിയപ്പോഴാണ് മൃതദേഹം കണ്ടത്. സംഭവത്തിൽ അയൽവാസിയെ പൊലീസ് കസ്റ്റഡിയിലെടുത്തിട്ടുണ്ട്. അതിർത്തി തർക്കമാണ് കൊലപാതകത്തിന് കാരണമെന്നാണ് സംശയം.