മുഹമ്മദ് റാഫി ബ്ലാസ്റ്റേഴ്സിലേക്ക് തിരികെയെത്തുമെന്ന് റിപ്പോർട്ട്

മുൻ ബ്ലാസ്റ്റേഴ്സ് താരം മുഹമ്മദ് റാഫി ക്ലബിലേക്ക് തിരികെയെത്തുന്നു എന്ന് റിപ്പോർട്ട്. നിലവിൽ ചെന്നൈയിൻ എഫ്സിക്ക് വേണ്ടിയാണ് റാഫി കളിക്കുന്നത്. ഇക്കഴിഞ്ഞ എഎഫ്സി കപ്പിൽ ചെന്നൈയിനു വേണ്ടി റാഫി മികച്ച പ്രകടനം നടത്തിയിരുന്നു. ഇതിൻ്റെ അടിസ്ഥാനത്തിൽ ബ്ലാസ്റ്റേഴ്സ് താരത്തെ തിരികെ വിളിക്കുന്നു എന്നാണ് റിപ്പോർട്ട്.

ചെന്നൈയിനു വേണ്ടി എഎഫ്സി കപ്പിൽ അവസാന രണ്ട് മാച്ചിൽ നിന്നും മൂന്ന് ഗോളും ഒരു അസിസ്റ്റും നേടിയ റാഫി എത്ര നാളത്തെ കരാറിലാണ് എത്തുകയെന്നത് വ്യക്തമല്ല. ഹെഡർ ഗോളുകളിലൂടെ ശ്രദ്ധേയനായ റാഫി ഹെഡ് മാസ്റ്റർ എന്നാണ് അറിയപ്പെടുന്നത്. 2015-16 സീസണിൽ ബ്ലാസ്റ്റേഴ്സിനു വേണ്ടി 25 മത്സരങ്ങൾ കളിച്ച റാഫി 6 ഗോളുകൾ നേടിയിരുന്നു.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top