യൂത്ത് കോൺഗ്രസ് അഖിലേന്ത്യ അധ്യക്ഷൻ കേശവ് ചന്ദ് യാദവ് രാജിവെച്ചു

യൂത്ത് കോൺഗ്രസ് അഖിലേന്ത്യ അധ്യക്ഷൻ കേശവ് ചന്ദ് യാദവ് രാജിവെച്ചു. ലോക്‌സഭാ തെരെഞ്ഞെടുപ്പിലെ തോൽവിയുടെ ഉത്തരവാദിത്തം ഏറ്റെടുത്താണ് രാജി. രാഹുൽ ഗാന്ധിയുടെ പേരാട്ടത്തിന് ഒപ്പമാണ് താനെനും ഉത്തരവാദിത്വമുള്ള കോൺഗ്രസ് പ്രവർത്തകനായി തുടരുമെന്നും കേശവ് ചന്ദ് രാഹുൽ ഗാന്ധിയ്ക്ക് അയച്ച രാജി കത്തിൽ പറയുന്നു.

2018 മെയിലാണ് ഉത്തർപ്രദേശുകാരനായ കേശവ് ചന്ദ് യാദവിനെ യൂത്ത് കോൺഗ്രസ് അധ്യക്ഷനായി നിയമിച്ചത്. നേരത്തെ യൂത്ത് കോൺഗ്രസ് അഖിലേന്ത്യ ജനറൽ സെക്രട്ടറിയായിരുന്നു. പഞ്ചാബ്, ഹരിയാന, ചത്തീസ്ഗഢ് എന്നിവിടങ്ങളിലെ സംഘടനാ ചുമതലകളും വഹിച്ചിരുന്നു.