20
Sep 2019
Friday

നിർമാതാക്കളായ അശോക് ലെയ്ലാൻഡ് പ്ലാന്റുകൾ അടച്ചിടുന്നു

വിൽപ്പന കുത്തനെ ഇടിഞ്ഞതിനെ തുടർന്ന് പ്രമുഖ വാഹന നിർമാതാക്കളായ അശോക് ലെയ്ലാൻഡും പ്ലാന്റുകൾ അടച്ചിടുന്നു. രാജ്യത്തെ അഞ്ച് പ്ലാന്റുകളാണ് ഈ മാസം ഭാഗികമായി പൂട്ടിയിടുന്നത്.

അശോക് ലെയ്ലാൻഡിന്റെ വാഹന വിൽപ്പനയിൽ ഇരുപത്തിയെട്ട് ശതമാനം ഇടിവാണ് കഴിഞ്ഞ ജൂലൈ മാസം മാത്രമുണ്ടായത്. ബോംബെ സ്റ്റോക്ക് എക്‌സ്‌ചേഞ്ചിലെ ഓഹരി മൂല്യവും ഇടിഞ്ഞു. ഓഗസ്റ്റ് മാസത്തെ ട്രക്ക് വിൽപനയിൽ വൻഇടിവും രേഖപ്പെടുത്തിയിരുന്നു. എഴുപത് ശതമാനം കുറവുണ്ടായെന്നാണ് റിപ്പോർട്ടുകൾ. കനത്ത പ്രതിസന്ധി തുടരുന്ന സാഹചര്യത്തിലാണ് രാജ്യത്തെ അഞ്ച് പ്ലാന്റുകൾ അടച്ചിടാൻ അശോക് ലെയ്ലാൻഡ് തീരുമാനിച്ചത്.

ഉത്തരാഖണ്ഡിലെ പന്ത് നഗർ പ്ലാന്റ് 18 ദിവസവും ചെന്നൈ എന്നോർ പ്ലാന്റ് 16 ദിവസവുമാണ് പൂട്ടിയിടുക. കർണാടക ഹൊസൂരിലെ മൂന്ന് യൂണിറ്റുകൾ അഞ്ച് ദിവസവും രാജസ്ഥാനിലെയും മഹാരാഷ്ട്രയിലെയും പ്ലാന്റ് പത്ത് ദിവസം വീതവും അടച്ചിടാനാണ് തീരുമാനം. നേരത്തെ മാരുതി സുസുക്കി മനേസറിലേയും ഗുരുഗ്രാമിലെയും പ്ലാന്റുകൾ രണ്ട് ദിവസം അടച്ചിടാൻ തീരുമാനിച്ചിരുന്നു.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top