തൊണ്ണൂറുകളിലെ ഹിറ്റ് നാരീ.. നാരീ… ഗാനത്തിന്റെ റീമിക്‌സ് വൈറലാവുന്നു

തൊണ്ണൂറുകളിൽ യുവാക്കളെ ഹരം കൊളളിച്ച അറബിക് ഗാനം ‘നാരീ… നാരീ’ യുടെ റീമിക്‌സ് വൈറലാകുന്നു. മിഖിൽ മുസലെ സംവിധാനം ചെയ്യുന്ന ‘മെയ്ഡ് ഇൻ ചൈന’ എന്ന ഹിന്ദി ചിത്രത്തിനായി പുനരാവിഷ്‌കരിച്ച ഗാനം റിലീസ് ചെയ്ത് മണിക്കൂറുകൾക്കകം ഒരു കോടിയിലധികം ആളുകളാണ് കണ്ടത്.

സംഗീതസംവിധായകരായ സച്ചിൻ-ജിഗാർ ആണ് ഗാനം റീമിക്‌സ്‌ ചെയ്തത്. വായു ആണ് ഗാനരചന നിർവഹിച്ചിരിക്കുന്നത്.ചടുല നൃത്തച്ചുവടുകളുമായി രാജ് കുമാർ റാവുവും മൗനി റോയിയുമാണ് ഗാനരംഗത്തിൽ അഭിനയിച്ചിരിക്കുന്നത്. വിശാൽ ദദ്‌ലാനി, ജോനിത ഗാന്ധി, സച്ചിൻ-ജിഗാർ എന്നിവരാണ് ഗാനം ആലപിച്ചിരിക്കുന്നത്. മാഡോക്ക് ഫിലിംസിന്റെ ബാനറിൽ ദിനേശ് വിജൻ ആണ് സിനിമ നിർമിക്കുന്നത്. ഒക്ടോബർ 25-ന് ചിത്രം തിയറ്ററുകളിൽ എത്തും.