ലതാ മങ്കേഷ്‌കർ ആശുപത്രിയില്‍

വിഖ്യാത പിന്നണി ഗായിക ലതാ മങ്കേഷ്‌കറെ ആശുപത്രിയില്‍ പ്രവേശിപ്പിച്ചു. ഇന്ന് രാവിലെയാണ് കടുത്ത ശ്വാസ തടസത്തെ തുടര്‍ന്ന് ഇവരെ മുംബൈ ബ്രീച്ച് ക്യാന്റി ഹോസ്പിറ്റലിൽ  അഡ്മിറ്റ് ചെയ്തത്. ഇപ്പോള്‍ ഐസിയുവിലാണ് ഗായിക.

ലതക്ക് 90 വയസ് പൂർത്തിയായത് ഈ സെപ്റ്റംബറിലാണ്. പുലർച്ചെ രണ്ട് മണിക്ക് ഗുരുതരാവസ്ഥയിലാണ് ഇവരെ ആശുപത്രിയിലെത്തിച്ചതെന്ന് പിടിഐ റിപ്പോർട്ട് ചെയ്യുന്നു.

അനശ്വര സ്വരമാധുര്യം കൊണ്ട് ഓരോ ആസ്വാദക മനസുകളിലും ലതാ മങ്കേഷ്‌കർ തീർത്ത വികാരങ്ങൾ വാക്കുകൾക്ക് അതീതമാണ്. വിരഹത്തിന്റെ,ആഹ്ലാദത്തിന്റെ
ദേശസ്‌നേഹത്തിന്റെ, സ്വപ്‌നത്തിന്റെ, എണ്ണമറ്റ അനുഭൂതികളുടെ പകർന്നൊഴുക്കാണ് നേർത്തതും തുളച്ചുകയറുന്നതുമായ ആ ശബ്ദം.

പ്രമുഖ ഇന്ത്യൻ ഭാഷകളിലെല്ലാം പാടിയിട്ടുള്ള ലത മലയാളത്തിൽ ഒരേയൊരു ഗാനമാണ് പാടിയിട്ടുള്ളത്.