തൃശൂരിൽ മാനസിക വെല്ലുവിളി നേരിടുന്ന അച്ഛനും മകനും കിണറ്റിൽ വീണ് മരിച്ച നിലയിൽ

തൃശൂർ മുളങ്കുന്നത്തുകാവിൽ മാനസിക വെല്ലുവിളി നേരിടുന്ന അച്ഛനും മകനും കിണറ്റിൽ വീണ് മരിച്ച നിലയിൽ. ജോസ് റപ്പായി(56), ജോജോസ് (19) എന്നിവരാണ് മരിച്ചത്.

കളിച്ചുകൊണ്ടിരുന്ന ജോജോസ് കിണറ്റിലേക്ക് വീഴുകയായിരുന്നു. തുടർന്ന് രക്ഷിക്കാനിറങ്ങിയ ജോസ് റപ്പായി അപകടത്തിൽപ്പെടുകയായിരുന്നുവെന്നാണ് പ്രാഥമിക നിഗമനം. ഇന്ന് വൈകിട്ടോടെ ഇരുവരെയും മരിച്ച നിലയിൽ കണ്ടെത്തുകയായിരുന്നു. തുടർന്ന് വിവരമറിഞ്ഞെത്തിയ ഫയർ ഫോഴ്‌സ് മൃതദേഹങ്ങൾ പുറത്തെടുത്ത് പ്രാഥമിക നടപടികൾക്കായി ആശുപത്രിയിലേക്ക് മാറ്റി.