അട്ടപ്പാടിയിൽ വീണ്ടും നവജാത ശിശു മരണം

അട്ടപ്പാടിയിൽ വീണ്ടും നവജാത ശിശു മരണം. 21 ദിവസം മാത്രം പ്രായമുള്ള ആൺകുട്ടിയാണ് മരിച്ചത്. നല്ലശിങ്ക ഊരിലെ രാജമ്മ, നഞ്ചൻ ദമ്പതികളുടെ കുട്ടിയാണ് മരിച്ചത്.

മലപ്പുറം പെരിന്തൽമണ്ണയിലെ സ്വകാര്യ ആശുപത്രിയിലായിരുന്നു കുഞ്ഞ് ജനിച്ചത്. ഏഴാം മാസത്തിൽ ശസ്ത്രക്രിയയിലൂടെയാണ് കുട്ടിയെ പുറത്തെടുത്തത്. ഈ വർഷം അട്ടപ്പാടിയിൽ മരിക്കുന്ന ഏഴാമത്തെ നവജാത ശിശുവാണിത്.