അലിഗഡിൽ സിഎഎക്കെതിരെ പ്രതിഷേധിച്ച അറുപതിലേറെ സ്ത്രീകൾക്കെതിരെ കേസ്

പൗരത്വ നിയമ ഭേദഗതിക്കും ദേശീയ പൗരത്വ പട്ടികയ്ക്കുമെതിരെ അലിഗഡിൽ പ്രതിഷേധിച്ച അറുപതിലേറെ സ്ത്രീകൾക്കെതിരെ കേസ്. നിരോധനാജ്ഞ ലംഘിച്ച് ഒത്തുചേർന്നതിനാണ് പൊലീസ് കേസ് രജിസ്റ്റർ ചെയ്തിരിക്കുന്നത്.

അലിഗഡിൽ ചില സ്ത്രീകൾ പൗരത്വ നിയമത്തിനും ദേശീയ പൗരത്വ പട്ടികയ്ക്കുമെതിരെ ഒത്തുകൂടി പ്രതിഷേധിച്ചു. ഇത് സെക്ഷൻ 144 പ്രകാരമുള്ള നിരോധനാജ്ഞയുടെ ലംഘനമാണെന്ന് അലിഗഡ് സിവിൽ ലൈൻ സർക്കിൾ ഓഫീസർ അനിൽ സമാനിയ പറഞ്ഞു. 60 മുതൽ 70 വരെ സ്ത്രീകൾക്കെതിരെ എഫ്‌ഐആർ രജിസ്റ്റർ ചെയ്തിട്ടുണ്ടെന്നും അദ്ദേഹം വ്യക്തമാക്കി.