ഇന്നത്തെ പ്രധാന വാർത്തകൾ (24-02-2020)

പത്താം ക്ലാസ് പരീക്ഷയെഴുതാൻ സാധിച്ചില്ല; ദുരിതത്തിലായി തോപ്പുംപടി അരൂജ സ്‌കൂൾ വിദ്യാർത്ഥികൾ

പത്താം ക്ലാസ് പരീക്ഷയെഴുതാനാകാതെ കൊച്ചി തോപ്പുംപടി അരൂജ ലിറ്റിൽ സ്റ്റാർ വിദ്യാർത്ഥികൾ ദുരിതത്തിൽ. ഇന്നാണ് പത്താം ക്ലാസ് പരീക്ഷകൾ തുടങ്ങുന്നത്. ആദ്യ പരീക്ഷയെഴുതാൻ സ്‌കൂളിൽ എത്തിയപ്പോഴാണ് പരീക്ഷയെഴുതാൻ സാധിക്കില്ലെന്ന കാര്യം വിദ്യാർത്ഥികൾ അറിയുന്നത്. ഇതെ തുടർന്ന് വിദ്യാർത്ഥികളും രക്ഷിതാക്കളും സ്‌കൂളിന് മുന്നിൽ പ്രതിഷേധിച്ചു.

അനധികൃത സ്വത്ത് സമ്പാദന കേസ്; വിഎസ് ശിവകുമാറിന്റെ ലോക്കർ ഇന്ന് തുറക്കണമെന്നാവശ്യപ്പെട്ട് ബാങ്കിന് കത്ത് നൽകും

വിഎസ് ശിവകുമാറിനെതിരെയുള്ള അനധികൃത സ്വത്ത് സമ്പാദന കേസുമായി ബന്ധപ്പെട്ട് വിജിലൻസ് ഇന്ന് ബാങ്കിന് കത്ത് നൽകും. ശിവകുമാറിന്റെ ലോക്കർ വിജിലൻസ് സംഘത്തിന്റെ സാന്നിധ്യത്തിൽ തുറക്കണം എന്നാവശ്യപ്പെട്ടാണ് കത്ത് നൽകുന്നത്. അതേസമയം പ്രതികളുടെ വീട്ടിൽ റെയ്ഡുമായി ബന്ധപ്പെട്ട കൂടുതൽ വിവരങ്ങളുള്ള റിപ്പോർട്ട് ഇന്ന് അന്വേഷണ സംഘം കോടതിയിൽ സമർപ്പിക്കും.

ഷഹീൻ ബാഗിലെ റോഡുകൾ തുറന്നു കൊടുക്കണമെന്ന ഹർജികൾ സുപ്രിംകോടതി ഇന്ന് പരിഗണിക്കും

പൗരത്വ പ്രതിഷേധം നടക്കുന്ന ഷഹീൻ ബാഗിലെ റോഡുകൾ തുറന്നു കൊടുക്കണമെന്ന ഹർജികൾ സുപ്രിംകോടതി ഇന്ന് പരിഗണിക്കും. പൊലീസ് അടച്ച അഞ്ച് പാതകൾ തുറന്നാൽ ഗതാഗതം സാധാരണ നിലയിലാകുമെന്ന മധ്യസ്ഥനായ വജാഹത് ഹബീബുള്ളയുടെ സത്യവാങ്മൂലം കോടതി പരിശോധിക്കും. സുരക്ഷ ഉറപ്പ് തരുകയാണെങ്കിൽ സമരവേദിക്ക് സമീപത്തെ റോഡും തുറന്നു കൊടുക്കുന്നതിൽ എതിർപ്പില്ലെന്നാണ് പ്രക്ഷോഭകരുടെ നിലപാട്.

Story Highlights- News Round Up, Headlines

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top