കൊവിഡ് പരിശോധനകളുടെ എണ്ണം വര്ധിപ്പിക്കണം : കോണ്ഗ്രസ് ഭരിക്കുന്ന സംസ്ഥാനങ്ങളോട് രാഹുല് ഗാന്ധി
കൊവിഡ് പരിശോധനകളുടെ എണ്ണം വര്ധിപ്പിക്കണമെന്ന് കോണ്ഗ്രസ് ഭരിക്കുന്ന സംസ്ഥാനങ്ങള്ക്ക് നിര്ദേശവുമായി രാഹുല് ഗാന്ധി. കോണ്ഗ്രസ് വര്ക്കിംഗ് കമ്മിറ്റി യോഗത്തിലാണ് രാഹുലിന്റെ നിര്ദേശം. കുറഞ്ഞ പരിശോധന നടത്തുന്നത് കേന്ദ്ര സര്ക്കാറിന്റെ തന്ത്രമാണെന്ന് രാഹുല് ഗാന്ധി കുറ്റപ്പെടുത്തി.
രോഗം സംശയിക്കുന്നവരില് മാത്രമല്ല, അല്ലാത്തവരിലും വ്യാപകമായി പരിശോധന നടത്തണമെന്നും രാഹുല് നിര്ദേശിച്ചു.
രോഗം എത്രയും നേരത്തെ നിര്ണയിക്കാന് സാധിക്കുന്നുവോ അത്രയും അപകടം കുറയുമെന്നും രാഹുല് പറഞ്ഞു. പരിശോധന ശക്തമാക്കാന് രാജസ്ഥാന് മുഖ്യമന്ത്രി അശോക് ഗെഹ്ലോട്ടിന് രാഹുല് പ്രത്യേക നിര്ദേശം നല്കി. നിരവധി വിദേശികള് എത്തുന്ന അജ്മേര് ജില്ലയില് പരിശോധന കര്ക്കശമാക്കണമെന്നും രാഹുല് നിര്ദേശിച്ചു
Story Highlights-increase number of covid checks: Rahul Gandhi tells Congress-ruled states
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here