വാള്, ഉറുമി, കഠാരം ഒക്കെ എനിക്ക് അറിയാ!!! കളരി അഭ്യാസങ്ങളുമായി നാല് വയസുകാരന്‍ യാദവ്

കളരി അഭ്യാസങ്ങൾ കൊണ്ട് കാഴ്ചക്കാരെ അത്ഭുതപ്പെടുത്തി നാല് വയസുകാരൻ. കണ്ണൂർ ഇരിട്ടി ഉളിക്കൽ സ്വദേശിയായ യാദവാണ് ഈ കൊച്ചുമിടുക്കൻ. യാദവിന്റെ ഗുരു കളരി ഗുരുക്കളായ അച്ഛൻ തന്നെയാണ് . ”വാള്, ഇപ്പോ കറക്കിയതില്ലേ അത്, ഉറുമി, കഠാരം ഒക്കെ എനിക്കറിയാ…” കുഞ്ഞു യാദവിന് ഇതൊക്കെ സിംപിളാണ്…

യാദവിന്റെ അടവുകളിൽ ചിലത് കണ്ടാൽ തന്നെ ആളുകൾ വാപൊളിച്ചുപോകും. ഈ കുഞ്ഞഭ്യാസിക്ക് നാല് വയസേയുള്ളൂ. പാവ പോലെ തന്നെ വാളും ഉറുമിയുമെല്ലാം ഈ കുഞ്ഞു കൈകളിൽ ഭദ്രമാണ്. യാദവ് പരിശീലനം തുടങ്ങിയിട്ട് നാല് മാസം മാത്രമേയായുള്ളു. പലതും കളരി ഗുരുക്കളായ അച്ഛൻ ഗോപിനാഥനിൽ നിന്ന് കണ്ടു പഠിച്ചതാണ്. മകന്റെ താത്പര്യം കണ്ടറിഞ്ഞ ഗോപിനാഥൻ അടവും അഭ്യാസവും പഠിപ്പിക്കാൻ തുടങ്ങി.

Read Also : മൂന്നാം നിലയില്‍ നിന്ന് രണ്ടുവയസുകാരന്‍ താഴെയ്ക്ക്; അത്ഭുതകരമായി രക്ഷപെടുത്തി വഴിയാത്രക്കാര്‍

ഓരോ ചുവടും ഈ നാല് വയസുകാരൻ പെട്ടന്ന് പഠിച്ചെടുത്തു. യാദവിനിപ്പോൾ പ്രിയം ഫയർ ഷോ അഭ്യാസങ്ങളാണ്. ഏഴാം ക്ലാസുകാരനായ സഹോദരൻ അഭിനന്ദിനൊപ്പം വീട്ടിൽ തന്നെയാണ് യാദവ് പരിശീലനം നടത്തുന്നത്. കളരിയിലെ കൂടുതൽ അടവുകൾ പഠിച്ചെടുക്കാനുള്ള ശ്രമത്തിലാണ് യാദവ്.

Story Highlights – kannur, kalari, 4 year old