രാജ്യത്തെ ആദ്യ സര്ക്കാര് വാട്ടര് ടാക്സി മുഖ്യമന്ത്രി പിണറായി വിജയന് നാളെ ഉദ്ഘാടനം ചെയ്യും
രാജ്യത്തെ ആദ്യ സര്ക്കാര് വാട്ടര് ടാക്സി മുഖ്യമന്ത്രി പിണറായി വിജയന് നാളെ ഉദ്ഘാടനം ചെയ്യും. ജലഗതാഗത മേഖലയിലെ ഹൈബ്രിഡ് ക്രൂയിസ് വെസല്, ബോട്ടുകള്, വാട്ടര് ടാക്സികള് എന്നി പദ്ധതികളുടെ ഉദ്ഘാടനം നാളെ രാവിലെ 11.30 ന് വിഡിയോ കോണ്ഫറന്സിലൂടെ മുഖ്യമന്ത്രി നിര്വഹിക്കും.
പാണാവള്ളി സ്വകാര്യ യാര്ഡില് വാട്ടര് ടാക്സിയുടെ നിര്മാണം പൂര്ത്തിയാക്കി കഴിഞ്ഞ ദിവസം നീറ്റിലിറക്കിയിരുന്നു. സംസ്ഥാന ജലഗതാഗത വകുപ്പിന്റെ വാട്ടര് ടാക്സി ആലപ്പുഴയിലാണ് ആദ്യഘട്ടത്തില് സര്വീസ് നടത്തുന്നത്.
‘ ജലാശയങ്ങളാല് സമ്പന്നമായ കേരളത്തെ സംബന്ധിച്ചിടത്തോളം ഏറ്റവും അനുയോജ്യമായ യാത്രാ മാര്ഗങ്ങളില് ഒന്നാണ് ജലഗതാഗതം. കുറഞ്ഞ പാരിസ്ഥിതികാഘാതവും ചെലവും ജല ഗതാഗതത്തെ ഏറെ അഭികാമ്യമാക്കുന്നു. ഈ സാധ്യത മുന്നില്ക്കണ്ട് നിരവധി പദ്ധതികള് സര്ക്കാര് ഇതിനകം നടപ്പാക്കിയിട്ടുണ്ട്. ആ വികസന മുന്നേറ്റത്തിലെ ഏറ്റവും പുതിയ പദ്ധതിയാണ് ജല ഗതാഗത വകുപ്പ് നാളെ ആരംഭിക്കാന് പോകുന്ന വാട്ടര് ടാക്സി സര്വീസെന്ന്’ മുഖ്യമന്ത്രി പറഞ്ഞു.
Story Highlights – government water taxi will be inaugurated by Chief Minister Pinarayi Vijayan tomorrow
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here