നാളെ മുതൽ ഇ-ഇൻവോയ്‌സ് നിർബന്ധമാക്കി കേന്ദ്രസർക്കാർ

ഇ-ഇൻവോയ്‌സ് നിർബന്ധമാക്കി കേന്ദ്രസർക്കാർ. 50 കോടിക്കു മുകളിൽ വാർഷികവിറ്റുവരവുള്ള വ്യാപാരിയുടെ ഇടപാടുകൾക്കാണ് നാളെ മുതൽ സർക്കാർ ഇ-ഇൻവോയ്‌സ് നിർബന്ധമാകുന്നത്.

വ്യാപാരിനൽകുന്ന ക്രെഡിറ്റ്, ഡെബിറ്റ് നോട്ടുകൾക്ക് അടക്കം ഇ-ഇൻവോയ്‌സ് ബാധകമാണ്. ജിഎസ്ടി കോമൺ പോർട്ടൽ വഴിയോ ഇ-ഇൻവോയ്‌സ് രജിസ്േ്രടഷൻ പോർട്ടൽ വഴിയോ ഇതിനുള്ള രജിസ്‌ട്രേഷൻ നടത്താം.

ഇ-ഇൻവോയ്‌സിംഗ് പ്രകാരം നികുതി ദാതാക്കൾ ഇആർപി/അക്കൗണ്ടിംഗ്/ബില്ലിംഗ് സോഫ്‌റ്റ്വെയറിലെ ഇൻവോയ്‌സ് എടുക്കുകയും അത് ഇൻവോയ്‌സ് റെഫറൻസ് പോർട്ടലലിൽ ഓൺലൈനായി റിപ്പോർട്ട് ചെയ്യുകയും വേണം.

ആർപി ഇത് പരിശോധിച്ച് ഡിജിറ്റലായി ഒപ്പിട്ട് യുണീക്ക് ഇൻവോയ്‌സ് റെഫറൻസ് നമ്പറും, ക്യുആർ കോഡും ഉൾപ്പെടെ തിരിച്ച് നികുതി ദാതാവിന് അയക്കും.

Story Highlights: central govt mandates e invoice from tomorrow