രാജസ്ഥാൻ റോയൽസ് പുതിയ ജഴ്സി പുറത്തിറക്കി

രാജസ്ഥാൻ റോയൽസ് പുതിയ സീസണിലേക്കുള്ള തങ്ങളുടെ ജഴ്സി പുറത്തിറക്കി. പിങ്ക്, നീല നിറങ്ങളിലാണ് ജഴ്സി. ഒരു വിഡിയോയിലൂടെയാണ് രാജസ്ഥാൻ തങ്ങളുടെ ജഴ്സി അവതരിപ്പിച്ചത്. തങ്ങളുടെ സമൂഹമാധ്യമ അക്കൗണ്ടുകളിലൂടെ രാജസ്ഥാൻ ഈ വിഡിയോ പങ്കുവച്ചു. ദുബൈ എക്സ്പോ ആണ് ജഴ്സിയിലെ മുഖ്യ സ്പോൺസർ.

ഇത്തവണത്തെ ഐപിഎൽ മത്സരങ്ങൾ ഏപ്രിൽ 9ന് ആരംഭിക്കും. മുംബൈ ഇന്ത്യൻസും റോയൽ ചലഞ്ചേഴ്സ് ബാംഗ്ലൂരും തമ്മിൽ ചെന്നൈയിലാണ് ഉദ്ഘാടന മത്സരം. 6 വേദികളിലായാണ് മത്സരങ്ങൾ നടക്കുക. ചെന്നൈയോടൊപ്പം, ബാംഗ്ലൂർ, മുംബൈ, ഡൽഹി, മുംബൈ, കൊൽക്കത്ത, അഹ്മദാബാദ് എന്നിവിടങ്ങളിലാണ് മത്സരങ്ങൾ. അഹ്മദാബാദിലെ മൊട്ടേരെ നരേന്ദ്രമോദി സ്റ്റേഡിയത്തിൽ പ്ലേ ഓഫ് മത്സരങ്ങളാണ് കളിക്കുക. മെയ് 30നാണ് ഫൈനൽ.

Story Highlights: rajasthan royals new jersey reveald