സൗദിയിലെ മാറ്റങ്ങൾ വിസ്മയിപ്പിക്കുന്നത്; സിതാര കൃഷ്ണകുമാർ
സൗദിയിൽ അഞ്ച് വർഷത്തിന് ശേഷമെത്തിയപ്പോൾ കണ്ട മാറ്റങ്ങൾ തന്നെ വിസ്മയിപ്പിച്ചെന്ന് ഗായിക സിതാര കൃഷ്ണകുമാർ. ദമാമിൽ ഡി.പി എന്ന കൂട്ടായ്മ സംഘടിപ്പിച്ച ‘സിതാർ’ സംഗീത പരിപാടിക്കായി എത്തിയപ്പോഴാണ് സിതാര മാധ്യമപ്രവർത്തകരോട് സംസാരിച്ചത്.
ഇവിടെയുള്ള സുഹൃത്തുക്കൾ ഇവിടത്തെ ഫോട്ടോകളും വിശേഷങ്ങളുമെല്ലാം എന്നോട് പങ്കുവയ്ക്കാറുണ്ടായിരുന്നു. വാർത്തകളിലൂടെ കേട്ടതും അറിഞ്ഞതും സത്യമാണെന്ന് കാഴ്ചകൾ നേരിൽ കണ്ടപ്പോൾ മനസിലായി.
Read Also : ചെറിയ പെരുന്നാള് ആശംസകള് നേര്ന്ന് സൗദി ഭരണാധികാരി
ഇവിടെ ചെറിയകാലം കൊണ്ട് പ്രതീക്ഷ ഉണർത്തുന്ന മാറ്റങ്ങളാണുണ്ടായത്. സൗദിയിലെ കുറച്ച് സ്ഥലങ്ങളേ ഞാൻ കണ്ടിട്ടുള്ളു. നിരവധി ചരിത്ര സ്ഥലങ്ങളും സംസ്കാരിക ഇടങ്ങളുമുള്ള രാജ്യമാണിത്. ഈ രാജ്യത്തിന് എല്ലാവരെയും ചേർത്തുപിടിക്കാനുള്ള മനസുണ്ട്. ഇവിടം കാണാനായി ഒരിക്കൽകൂടി വരണമെന്നാണ് എന്റെ ആഗ്രഹം.
ആദ്യ യാത്രയിൽതന്നെ സൗദി എന്നെ ആകർഷിച്ചിരുന്നു. സൗദിയിൽ എല്ലായിടത്തും ആഘോഷത്തിന്റെ തെളിച്ചമാണുള്ളത്. അഞ്ച് വർഷം മുമ്പ്
ഇവിടെ വന്ന് തിരിച്ചു പോകുമ്പോഴും പ്രിയപ്പെട്ട കുറേ ഓർമകളെ ഞാൻ കൂടെ കൂട്ടിയിരുന്നു. – സിതാര വ്യക്തമാക്കി.
Story Highlights: Singer Sithara Krishnakumar in Dammam
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here