ട്രക്കിനടിയിലേക്ക് പാഞ്ഞുകയറി കാണ്ടാമൃഗം; വിഡിയോ പങ്കുവച്ച് അസം മുഖ്യമന്ത്രി; ഡ്രൈവര്‍ക്കെതിരെ കേസ്

ഓടിക്കൊണ്ടിരിക്കുന്ന ട്രക്കിനടയിലേക്ക് പാഞ്ഞടുത്ത് കാണ്ടാമൃഗം. അസമിലെ കാസിരംഗ നാഷണല്‍ പാര്‍ക്കിനടുത്തുള്ള ഹൈവേയില്‍ വച്ചാണ് ട്രക്ക് കാണ്ടാമൃഗത്തെ ഇടിച്ചിട്ടത്. സംഭവത്തിന്റെ വീഡിയോ പങ്കുവച്ച അസം മുഖ്യമന്ത്രി ഹിമന്ത ബിശ്വ ശര്‍മ്മ മൃഗങ്ങളെ ഉപദ്രവിച്ചുകൊണ്ടുള്ള നിയമലംഘനങ്ങള്‍ അനുവദിക്കില്ലെന്ന് ട്വീറ്റ് ചെയ്തു.

മുഖ്യമന്ത്രിയുടെ ട്വീറ്റിന് പിന്നാലെ കേസെടുത്ത അധികൃതര്‍, കാണ്ടാമൃഗത്തെ ഇടിച്ച ട്രക്ക് ഡ്രൈവര്‍ക്കെതിരെ പിഴ ചുമത്തുകയും ചെയ്തു. കാണ്ടാമൃഗങ്ങളുടെ വാസസ്ഥലത്ത് നിയമലംഘനം അനുവദനീയമല്ലെന്ന ട്വീറ്റാണ് മുഖ്യമന്ത്രി പങ്കുവച്ചത്.

Rhinos are our special friends; we’ll not allow any infringement on their space.

In this unfortunate incident at Haldibari the Rhino survived; vehicle intercepted & fined. Meanwhile in our resolve to save animals at Kaziranga we’re working on a special 32-km elevated corridor. pic.twitter.com/z2aOPKgHsx

— Himanta Biswa Sarma (@himantabiswa) October 9, 2022

Read Also: കനത്ത മഴ; ഡൽഹി ലഹോറി ഗേറ്റിൽ വീട് തകർന്ന് മൂന്നു പേർ മരിച്ചു

‘അടിസ്ഥാന സൗകര്യങ്ങളുടെ വിപുലീകരണവും വികസന പദ്ധതികളും മൂലം റോഡപകടങ്ങളില്‍ വന്യമൃഗങ്ങള്‍ മരിക്കുന്നത് ആവര്‍ത്തിക്കുകയാണ്. ഇത് വലിയ ആശങ്കയാണ്. കാണ്ടാമൃഗത്തെ വാഹനമിടിപ്പിച്ചയാള്‍ക്കെതിരെ വേഗത്തിലുള്ള നടപടി സ്വീകരിച്ചിട്ടുണ്ട്. ‘. മൃഗങ്ങള്‍ക്കെതിരെയുള്ള ഇത്തരം ക്രൂരതകള്‍ സര്‍ക്കാര്‍ അനുവദിക്കില്ലെന്നും മുഖ്യമന്ത്രി ട്വീറ്റ് ചെയ്തു.

Story Highlights: Assam CM takes action after truck driver hit rhinoceros