യുഎഇ മുന്‍ മന്ത്രി മുഹമ്മദ് സെയിദ് റാഷിദ് അല്‍ മുല്ല അന്തരിച്ചു

യുഎഇ മുന്‍ മന്ത്രിയും പ്രമുഖ വ്യവസായിയുമായ മുഹമ്മദ് സെയിദ് റാഷിദ് അല്‍ മുല്ല അന്തരിച്ചു. 97 വയസ്സായിരുന്നു. യുഎഇയുടെ പ്രഥമ മന്ത്രിസഭയില്‍ ഗള്‍ഫ് അഫയേഴ്‌സിന്റെ സഹ മന്ത്രിയായിരുന്ന അല്‍ മുല്ല 1973-ല്‍ ഗതാഗത മന്ത്രിയായി. 1977-ലെ മന്ത്രിസഭാ പുനസംഘടനയില്‍ ഗതാഗത വകുപ്പിനൊപ്പം വാര്‍ത്താവിനിമയ മന്ത്രാലയത്തിന്റെ ചുമതലയും സെയിദ് റാഷിദ് അല്‍ മുല്ലയ്ക്കായിരുന്നു. രാജ്യത്തെ പ്രധാന ടെലികോം കമ്പനിയായ ഇത്തിസലാത്തിന്റെ സ്ഥാപക ചെയര്‍നായും സേവനം അനുഷ്ഠിച്ചിട്ടുണ്ട്. യുഎഇ പ്രസിഡന്റ്, പ്രധാനമന്ത്രി,സുപ്രീംകൗണ്‍സില്‍ അംഗങ്ങള്‍, മന്ത്രിസഭാംഗങ്ങള്‍ എന്നിവരെല്ലാം അല്‍ മുല്ലയുടെ നിര്യാണത്തില്‍ അനുശോചനം രേഖപ്പെടുത്തി. (Former UAE Minister Mohammed Saeed Rashid Al Mulla passed away)

Story Highlights: Former UAE Minister Mohammed Saeed Rashid Al Mulla passed away