സൗദിയിലെ വാഹനാപകടത്തിൽ പത്തനംതിട്ട സ്വദേശി മരിച്ചു
സൗദിയിലെ അൽഖഫ്ജിക്ക് സമീപം അബുഹൈദരിയാ റോഡിൽ വെച്ചുണ്ടായ വാഹനാപകടത്തിൽ പത്തനംതിട്ട സ്വദേശി മരിച്ചു. കുവൈത്തിൽ പ്രവാസിയായ തിരുവല്ല തലവടി സ്വദേശി ലാജി മാമ്മൂട്ടിൽ ചെറിയാനാണ് (54) മരിച്ചത്. കുവൈത്തിലെ വ്യവസായ സ്ഥാപനമായ എൻ.ബി.ടി.സി കമ്പനിയിൽ ജനറൽ വർക്ക്സ് വിഭാഗം മാനേജറായി ജോലി ജോലി ചെയ്തു വരികയായിരുന്നു.(Malayali expat died in Saudi car accident)
ജോലിയുമായി ബന്ധപ്പെട്ട് സൗദിയിലെത്തി കുവൈത്തിലേക്ക് മടങ്ങുന്നതിനിടെ ലാജി ഓടിച്ചിരുന്ന കാർ അപകടത്തിൽ പെട്ടായിരുന്നു അപകടം സംഭവിച്ചത്. അൽഖഫ്ജി ജനറൽ ആശുപത്രിയിൽ മോർച്ചറിയിൽ സൂക്ഷിച്ചിരിക്കുന്ന മൃതദേഹം നിയമനടപടികൾ പൂർത്തിയാക്കി നാട്ടിലെത്തിച്ച് സംസ്കരിക്കുമെന്ന് ബന്ധപ്പെട്ടവർ അറിയിച്ചു. ഭാര്യ: കൈനകരി പത്തിൽ അനീറ്റ ചെറിയാൻ.
Story Highlights: Malayali expat died in Saudi car accident
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here