വിവാഹ വാഗ്ദാനം നൽകി ലൈംഗികമായി പീഡിപ്പിച്ചു, പരാതിയുമായി മറ്റൊരു യുവതി; രാഹുൽ മാങ്കൂട്ടത്തിലിനെതിരെയുള്ള പരാതി സ്ഥിരീകരിച്ച് KPCC

രാഹുൽ മാങ്കൂട്ടത്തിലിനെതിരെയുള്ള പരാതി സ്ഥിരീകരിച്ച് കെപിസിസി. ഇന്ന് 12.57 ന് ആണ് പരാതി കെപിസിസി അധ്യക്ഷന് ലഭിച്ചത്. നേതാക്കളുമായി കൂടിയാലോചിച്ച് തുടർനടപടിയെന്ന് കെപിസിസി നേതൃത്വം അറിയിച്ചു. കെപിസിസി അധ്യക്ഷൻ സണ്ണി ജോസഫിനാണ് പരാതി ലഭിച്ചത്.

രാഹുൽ മാങ്കൂട്ടത്തിലിനെതിരെ ഇന്ന് വീണ്ടും പരാതി നൽകി മറ്റൊരു യുവതി രംഗത്തെത്തിയിരുന്നു. വിവാഹ വാഗ്ദാനം ചെയ്ത് രാഹുൽ ലൈംഗികമായി പീഡിപ്പിച്ചതായി പരാതി. രാഹുൽ മാങ്കൂട്ടത്തിലിനെതിരെ എഐസിസിക്കും കെപിസിസിക്കും പരാതി നൽകി യുവതി.

നേരിട്ട ക്രൂര പീഡനം വിശദീകരിച്ച് പാർട്ടി നേതൃത്വത്തിന് കത്തയച്ചു. പരാതിയിൽ ഗുരുതര ആരോപണങ്ങൾ ആണ് ഉള്ളത്. വിവാഹ വാഗ്ദാനം ചെയ്തായിരുന്നു പീഡനം. വിവാഹാഭ്യർത്ഥന നടത്തിയ രാഹുൽ പിന്നീട് അതിൽ നിന്ന് പിന്മാറി.

ലൈംഗിക ഉദ്ദേശത്തോടെ രാഹുൽ പിന്നെയും സമീപിച്ചതായി യുവതിയുടെ പരാതി. രാഷ്ട്രീയ അധികാരം ഉപയോഗിച്ചായിരുന്നു രാഹുലിന്റെ പ്രവർത്തി. രാഹുലിനെതിരെ നേരത്തെ ആരോപണം ഉന്നയിച്ച യുവതിയാണ് പരാതിക്കാരി.

വിവരങ്ങൾ ക്രൈംബ്രാഞ്ചിന് കൈമാറിയിട്ടുണ്ടെന്ന് യുവതി പറഞ്ഞു. കോൺഗ്രസ് വേദികളിൽ നിന്ന് രാഹുലിനെ വിലക്കണമെന്നും യുവതി ആവശ്യപ്പെട്ടു .രാഹുലിന് ഒപ്പമുള്ളവരെയും ഭയക്കുന്നുവെന്നും യുവതി പരാതിയിൽ പറയുന്നു. രാഹുൽ ഗാന്ധിക്കും പ്രിയങ്ക ഗാന്ധിക്കും യുവതി പരാതി നൽകി. രാഹുൽ മാങ്കൂട്ടത്തിൽ വേട്ടക്കാരനെന്ന് യുവതി പരാതിയിൽ പറയുന്നു.

Story Highlights : KPCC confirms complaint against Rahul Mamkoottathil