തന്ത്രി കണ്ഠര് രാജീവര്ക്കായി എസ്ഐടി സമര്പ്പിച്ച കസ്റ്റഡി അപേക്ഷ ഇന്ന് പരിഗണിക്കും; മുരാരി ബാബുവിന്റെ ജാമ്യഹര്ജി പരിഗണിക്കുന്നതും ഇന്ന്; എസ്ഐടിക്ക് നിര്ണായകം
2 minutes Read
ശബരിമല സ്വര്ണക്കൊള്ളക്കേസില് ഇന്ന് നിര്ണായകം. കേസില് അറസ്റ്റിലായ മുന് അഡ്മിനിസ്ട്രേറ്റീവ് ഓഫീസര് ബി മുരാരി ബാബുവിന്റെ ജാമ്യഹര്ജി കൊല്ലം വിജിലന്സ് കോടതി ഇന്ന് പരിഗണിക്കും. അറസ്റ്റിലായി 90 ദിവസം കഴിഞ്ഞിട്ടും കുറ്റപത്രം സമര്പ്പിക്കാത്ത സാഹചര്യത്തിലാണ് സ്വാഭാവിക ജാമ്യം തേടി മുരാരി ബാബു കോടതിയെ സമീപിച്ചത്. (court will consider custody application of kandararu rajeevaru)
അതേസമയം തന്ത്രി കണ്ഠര് രാജീവര്ക്കായി എസ്ഐടി സമര്പ്പിച്ച കസ്റ്റഡി അപേക്ഷ ഇന്ന് കോടതി പരിഗണിക്കും. ദേവസ്വം ബോര്ഡ് മുന് പ്രസിഡന്റ് എന് വാസുവിന്റെ ജാമ്യാപേക്ഷ ഇന്ന് സുപ്രിംകോടതിയും പരിഗണിക്കും. ഇതിനിടെ സന്നിധാനത്തെ പരിശോധന പൂര്ത്തിയാക്കി എസ്ഐടി സംഘം ഇന്ന് മടങ്ങും.
അതേസമയം കേസിലെ പ്രധാന പ്രതികളുടെ സ്വത്തുക്കള് ഇഡി കണ്ടുകെട്ടി. 1.3 കോടി വില വരുന്ന സ്വത്തുക്കളാണ് കണ്ടുകെട്ടിയത്. ശബരിമലയില് നടന്നത് വ്യാപക ക്രമക്കേടെന്ന് ഇഡി വ്യക്തമാക്കുന്നു. ഉണ്ണികൃഷ്ണന് പോറ്റിയുടെ എട്ടോളം സ്വത്തുവകകള് കണ്ടുകെട്ടി. ശബരിമലയിലെ സ്പോണ്സര്ഷിപ്പ് ഇടപാടുകളില് ഗുരുതര ക്രമക്കേടെന്നും കണ്ടെത്തലുണ്ട്. ദേവസ്വം ബോര്ഡ് ആസ്ഥാനത്തുനിന്ന് സുപ്രധാന രേഖകളും ഇഡി പിടിച്ചെടുത്തു.
Story Highlights : court will consider custody application of kandararu rajeevaru
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English