മലപ്പുറത്ത് എട്ടുമാസം പ്രായമുള്ള കുഞ്ഞിനെ ആശുപത്രിയിൽ എത്തിച്ചത് മരിച്ച നിലയിൽ; അസ്വാഭാവിക മരണത്തിന് കേസെടുത്തു

മലപ്പുറത്ത് 8 മാസം പ്രായമുള്ള കുഞ്ഞിനെ ആശുപത്രിയിൽ എത്തിച്ചത് മരിച്ച നിലയിൽ. മഞ്ചേരി പുല്ലാര സ്വദേശി മുഹമ്മദിന്റെ മകൻ അഹമ്മദുൽ അസഫ് ആണ് മരിച്ചത്. ഇന്നലെ വൈക്കേറ്റാണ് സംഭവം. മലപ്പുറം വണ്ടൂർ ചെട്ടിയാറമ്മലിലുള്ള മാതാവിന്റെ വീട്ടിലായിരുന്നു കുട്ടി കഴിഞ്ഞിരുന്നത്. ഇന്നലെ ഉച്ചയോടെ അനക്കമില്ലാതെ കണ്ടതോടെയാണ് കുഞ്ഞിനെ തൊട്ടടുത്തുള്ള സ്വകാര്യ ആശുപത്രിയിൽ എത്തിക്കുന്നത്.

മുഹമ്മദിന്റെ നാല് മക്കളിൽ ഏറ്റവും ഇളയമകനാണ് മരിച്ച അഹമ്മദുൽ അസഫ്. കുട്ടിയുടെ മാതാവിന് ചില മാനസിക ബുദ്ധിമുട്ടുകൾ ഉള്ളതായതായാണ് വിവരം. വണ്ടൂർ പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്. കുട്ടിയുടെ മൃതദേഹം മഞ്ചേരി മെഡിക്കൽ കോളജ് ആശുപത്രിയിലേക്ക് പോസ്റ്റ്മോർട്ടം നടപടികൾക്കായി മാറ്റി.ഇതിനുശേഷമായിരിക്കും യഥാർത്ഥ മരണകാരണം അറിയാൻ സാധിക്കുക.

Story Highlights : An eight-month-old baby was brought to the hospital dead in Malappuram