പൊന്ന് ‘കീളെ ഇറങ്ങുന്നു’; ഇന്നലെ കുറഞ്ഞത് പതിനായിരത്തോളം രൂപ; ഇന്ന് കുറഞ്ഞത് ആയിരത്തിലേറെ രൂപ; നിരക്കുകള്‍ അറിയാം

സംസ്ഥാനത്തെ സ്വര്‍ണവിലയില്‍ ചാഞ്ചാട്ടം തുടരുന്നു. ഒരു പവന്‍ സ്വര്‍ണത്തിന് ഇന്ന് 1040 രൂപയാണ് കുറഞ്ഞിരിക്കുന്നത്. ഇതോടെ ഒരു പവന്‍ സ്വര്‍ണത്തിന് ഇന്ന് 1,11,280 രൂപയായി. ഗ്രാമിന് 130 രൂപയാണ് കുറഞ്ഞിരിക്കുന്നത്. ഇതോടെ ഒരു ഗ്രാം സ്വര്‍ണത്തിന് 13910 രൂപയായി. (gold rate falls kerala february 03)

സര്‍വകാല റെക്കോര്‍ഡിലേക്ക് സ്വര്‍ണവില ഉയര്‍ന്നതിനുശേഷം കുറച്ച് ദിവസമായി സ്വര്‍ണവില വലിയ ഇടിവ് നേരിടുകയാണ്. ഇന്നലെയും സ്വര്‍ണത്തിന് രണ്ട് തവണയായി പതിനായിരത്തോളം രൂപ ഇടിഞ്ഞിരുന്നു.

Read Also: ‘പ്രതിപക്ഷം സഭയിൽ കോപ്രായങ്ങൾ കാണിക്കുന്നു, കോടതിയിൽ നിന്ന് അടിയേറ്റപ്പോൾ ഇവിടെവന്ന് ബഹളം വെച്ച് കാര്യം നേടാം എന്നായി’; രൂക്ഷമായി വിമർശിച്ച് മുഖ്യമന്ത്രി

റെക്കോര്‍ഡുകള്‍ കുറിച്ച സ്വര്‍ണവിലയില്‍ തുടര്‍ച്ചയായ മൂന്നാം ദിവസമാണ് വന്‍ഇടിവുണ്ടായത്. ശനിയാഴ്ച പവന് ഒറ്റയടിക്ക് 6320രൂപയാണ് കുറഞ്ഞത്. കേന്ദ്ര ബജറ്റ് അവതരണത്തിന് ശേഷം ഇറക്കുമതി തീരുവ വര്‍ധന സംബന്ധിച്ച ആശങ്കകള്‍ ഒഴിഞ്ഞതിന്റെ കൂടി ഫലമായിട്ടാണ് സംസ്ഥാനത്ത് സ്വര്‍ണവില ഇടിഞ്ഞിരിക്കുന്നത്. അന്താരാഷ്ട്ര വിപണിയില്‍ റെക്കോര്‍ഡ് ഉയര്‍ച്ചയില്‍ നിന്നുള്ള സ്വര്‍ണത്തിന്റെ പതനമാണ് കേരളത്തിലും പ്രതിഫലിച്ചിരിക്കുന്നത്.

ഇറാന്‍- അമേരിക്ക സംഘര്‍ഷ സാധ്യത അയയുന്നതും ഇന്ന് സ്വര്‍ണത്തിലെ ഇടിവിന് കാരണമായി. ലോകത്തെ ഏറ്റവും വലിയ സ്വര്‍ണ ഉപഭോക്താക്കളാണ് ഇന്ത്യ. ഓരോ വര്‍ഷവും ടണ്‍ കണക്കിന് സ്വര്‍ണം രാജ്യത്ത് ഇറക്കുമതി ചെയ്യപ്പെടുന്നു.

Story Highlights : gold rate falls kerala february 03