‘കടൽമീനുകൾ’ ഫസ്റ്റ് ലുക്ക് പോസ്റ്റർ പുറത്ത്

അജിത് സുകുമാരൻ സംവിധാനം ചെയ്യുന്ന ‘കടൽമീനുകൾ’ സിനിമയുടെ ട്രെയ്‌ലർ ലോഞ്ചും ഫസ്റ്റ് ലുക്ക് പോസ്റ്റർ പ്രകാശനവും അങ്കമാലി ഫിസാറ്റിൽ (എഞ്ചിനീയറിംഗ് കോളേജ്) വെച്ച് നടന്നു. ഫിസാറ്റ് ചെയർമാൻ പി ആർ ഷിമിത്ത്‌ ഫസ്റ്റ് ലുക്ക്‌ പോസ്റ്റർ പ്രകാശനം ചെയ്തു. നൂറിലേറെ കോളേജുകളിൽ നിന്നായി അഞ്ഞൂറിലേറെ കലാകാരന്മാർ പങ്കെടുത്ത,കലയുടെ സാംസ്ക്കാരികപൈതൃകം വിളിച്ചറിയിച്ച, ഇന്റർ കോളേജിയേറ്റ് ഫെസ്റ്റ് ‘ഭരതം 2026’ ൽ വച്ചാണ് പ്രകാശന കർമ്മം നിർവഹിച്ചത്.

നാലായിരത്തിലേറെ വിദ്യാർത്ഥി-വിദ്യാർത്ഥിനികളും അധ്യാപകരുമുൾപ്പടെ വലിയൊരു പ്രൗഢഗംഭീര സദസ്സിനെ സാക്ഷിയാക്കി നടന്ന ഈ ചടങ്ങിൽ കടൽമീനുകളുടെ സംവിധായകനും സംഗീത സംവിധായകനുമായ അജിത്‌ സുകുമാരൻ, മലയാള സിനിമയുടെ ചരിത്രത്തിൽ എക്കാലത്തേയും ഹിറ്റ് ചിത്രങ്ങളുടെ തിരക്കഥാകൃത്തും സംവിധായകരും കടൽമീനുകളിലെ അഭിനേതാക്കളുമായ മെക്കാർട്ടിൻ (റാഫി-മെക്കാർട്ടിൻ)രാജീവ് രംഗൻ, സലാംബാപ്പു, ഫാസിൽ കാട്ടുങ്കൽ,ഗാനരചയിതാവ്‌ സന്തോഷ് കോടനാട്, ഇന്ത്യൻ സിനിമയിലെ ഏറ്റവും പ്രായം കുറഞ്ഞ സംഗീതസംവിധായിക ശ്രേയ. എസ്. അജിത്,ചീഫ് അസോസിയേറ്റ് ഡയറക്ടർ അസിം കോട്ടൂർ, ജിതിൻ കുമ്പുകാട്ട്, ജിജു ടി ബ്രൂസ്, സൽമാൻ അമീൻ മനോജ്‌ വോൾക്കാനോ, ഫിസാറ്റ് ചെയർമാൻ പി. ആർ.ഷിമിത്ത്, പ്രിൻസിപ്പൽ ഡോ. ജേക്കബ് തോമസ് ,മിനി മോൾ പുന്നൂസ് ഭാരതം കോർഡിനേറ്റേഴ്‌സ് ആയ ശ്രുതി സുരേഷ്, എബിൻ തോമസ് എന്നിവർ പങ്കെടുത്തു.

Read Also: ‘തൊട്ടതൊക്കെ പൊന്നാക്കിയ കലാകാരൻ; സംഗീതലോകത്തിന് ഇത് വലിയൊരു തീരാനഷ്ടം’, സുജാത

കടൽമീനുകളിൽ ജയമോഹൻ കടുങ്ങല്ലൂർ എഴുതി അജിത് സുകുമാരൻ സംഗീതം ചെയ്ത സങ്കരഗോത്രഭാഷാഗാനം അജിത് സുകുമാരനും ശ്രേയ. എസ്. അജിത്തും ചേർന്നാലപിച്ചത് പുതുതലമുറ ‘ജെൻസി’ കരഘോഷങ്ങളോടെ ആഹ്ളാദത്തിമിർപ്പോടെ ഏറ്റെടുത്തു. സിനിമക്കുള്ളിലെ സിനിമയുടെ കഥ പറയുന്ന കടൽമീനുകൾ ഉടൻ പ്രദർശനത്തിനെത്തും.

Story Highlights : ‘Kadal meenukal’ first look poster released