പാകിസ്താനിൽ മസ്ജിദിന് സമീപം വൻ സ്ഫോടനം; സ്ഫോടനം ജുമ നമസ്കാരത്തിനായി ആളുകൾ ഒത്തുകൂടിയ സമയത്ത്

പാകിസ്താനിൽ വൻസ്ഫോടനം. ഇസ്ലാമാബാദിൽ മസ്ജിദിന് സമീപമാണ് സ്ഫോടനം. പൊലീസും രക്ഷാപ്രവർത്തകരും സ്ഥലത്ത് എത്തി. 20 പേർക്ക് പരുക്ക്. ജുമ നമസ്കാരത്തിനായി ആളുകൾ ഒത്തുകൂടിയ സമയത്താണ് സ്ഫോടനം ഉണ്ടായത്. നടന്നത് ചാവേർ ആക്രമണമെന്ന് പൊലീസ് സംശയിക്കുന്നു. ഇസ്ലാമാബാദിലെ ഷെഹ്‌സാദ് ടൗൺ പ്രദേശത്തുള്ള തർലൈ ഇമാംബർഗയിലാണ് സ്‌ഫോടനം ഉണ്ടായത്.

വെള്ളിയാഴ്ച പ്രാർത്ഥനയ്ക്ക് തൊട്ടുപിന്നാലെയാണ് സ്ഫോടനം നടന്നത്, പ്രാഥമിക റിപ്പോർട്ടുകൾ പ്രകാരം 20 പേർക്ക് പരുക്കേറ്റു. സുരക്ഷാ സേന പ്രദേശം വളഞ്ഞിട്ടുണ്ട്, സ്ഫോടനത്തിന്റെ സ്വഭാവം നിർണ്ണയിക്കാൻ അന്വേഷണം നടക്കുന്നു.

പൊലീസും രക്ഷാപ്രവർത്തകരും സ്ഥലത്തെത്തി രക്ഷാപ്രവർത്തനങ്ങൾ ആരംഭിച്ചു. പോളിക്ലിനിക്, പാകിസ്ഥാൻ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (പിംസ്), സിഡിഎ ആശുപത്രി എന്നിവിടങ്ങളിൽ പരുക്കേറ്റവരെ പ്രവേശിപ്പിച്ചു.

പ്രധാന അത്യാഹിത വിഭാഗം, ഓർത്തോപീഡിക്, ബേൺ സെന്റർ, ന്യൂറോളജി വിഭാഗങ്ങൾ സജീവമാക്കിയിട്ടുണ്ടെന്ന് ഒരു ഉദ്യോഗസ്ഥൻ പറഞ്ഞു. പരിക്കേറ്റവരെ പിംസ്, പോളിക്ലിനിക് ആശുപത്രിയിലേക്ക് മാറ്റിക്കൊണ്ടിരിക്കുകയാണ്.

Story Highlights : explosion rocks mosque in pakistans islamabad