യുവ താരനിരയുമായി ‘മിഡിൽ ക്ലാസ് മാത്തുക്കുട്ടി’;പൂജ കർമ്മം കൊച്ചിയിൽ നടന്നു

യുവതാര നിരയുടെ ചിത്രം ‘ മിഡിൽ ക്ലാസ് മാത്തുക്കുട്ടി ‘ യുടെ പൂജ കൊച്ചിയിൽ നടന്നു.’ജെന്റിൽ വുമൺ’ എന്ന ശ്രദ്ധേയമായ തമിഴ് ചിത്രത്തിന് ശേഷം കോമള ഹരി പിക്ചേഴ്സിന്റെ ബാനറിൽ കോമള ഹരി, ഹരി ഭാസ്കരൻ എന്നിവർ ചേർന്ന് നിർമ്മിക്കുന്ന മലയാള ചിത്രം ‘ മിഡിൽ ക്ലാസ് മാത്തുക്കുട്ടി’യുടെ പൂജാ ചടങ്ങുകൾ അഞ്ചുമന ദേവീക്ഷേത്രത്തിൽ വച്ച് നടന്നു.

‘പടക്കളം’ എന്ന ഹിറ്റ് ചിത്രത്തിലൂടെ ശ്രദ്ധേയനായ അരുൺ പ്രദീപ്‌, സുബിൻ ടാർസൺ എന്നീ യുവതാരങ്ങളെ പ്രധാനകഥാപാത്രങ്ങളാക്കി മിഥുൻ ജ്യോതി തിരക്കഥ എഴുതി സംവിധാനം ചെയ്യുന്ന റൊമാന്റിക് കോമഡി ചിത്രമാണ് ‘മിഡിൽ ക്ലാസ് മാത്തുക്കുട്ടി’. 2024 നവംബറിൽ ഓ ടി ടി റിലീസായ18പ്ലസ് ആയിരുന്നു മിഥുന്റെ ആദ്യചിത്രം. ചിത്രത്തിന്റെ എഡിറ്റിംഗ് നിർവഹിക്കുന്നതും സംവിധായകൻ തന്നെയാണ്.

Read Also: 100 % ചിരി ഗ്യാരന്റി ; ഇന്ദ്രൻസ് ചിത്രം ആശാന് ഗംഭീര പ്രതികരണം

ചിത്രത്തിന്റെ പ്രൊഡ്യൂസർ ഹരി ഭാസ്കരൻ,എക്സിക്യൂട്ടീവ് പ്രൊഡ്യൂസർ ദിനേശ് ടി സി, പ്രമുഖ ചലച്ചിത്ര നിർമ്മാതാവും നടനുമായ വിജയ് ബാബു, ചിത്രത്തിലെ പ്രധാന താരങ്ങൾ എന്നിവർ ചേർന്ന് ഭദ്രദീപം കൊളുത്തി പൂജാ ചടങ്ങുകൾ ആരംഭിച്ചു. ചിത്രത്തിന്റെ തിരക്കഥ പ്രൊഡ്യൂസറിൽ നിന്നും സംവിധായകൻ ഏറ്റുവാങ്ങി.

സംവിധായകന്റെ പിതാവ് ജ്യോതി വെള്ളല്ലൂർ ക്യാമറ സ്വിച്ച് ഓൺ ചെയ്തു. വിജയ് ബാബു ക്ലാപ്പടിച്ചു.’മിഡിൽ ക്ലാസ് മാത്തുക്കുട്ടി’ എന്ന ചിത്രത്തിൽ യുവ താരങ്ങളുടെ ഒരു ഗംഭീര നിര തന്നെയുണ്ട്. പ്രേക്ഷകരുടെ ഇഷ്ട താരങ്ങളായ ഡയാന ഹമീദ്, ജെൻസൺ ജോസ്, ശ്രീകാന്ത് മുരളി,കാർത്തിക് രാമകൃഷ്ണൻ (താരം തീർത്ത കൂടാരം) അഭയ് കൃഷ്ണ ( സൂത്രവാക്യം),ശ്രീകാന്ത് ആർ, പ്രശസ്ത കോമഡി താരങ്ങളായ,ജിനീഷ് ഗോവിന്ദ് ,എ കെ വിജുബൽ ,സെൽവരാജ്,റിലീസിന് തയ്യാറെടുക്കുന്ന D-152, മധു വിധു എന്നീ ചിത്രങ്ങളിലെ നായിക അനന്തലക്ഷ്മി,വെടിക്കെട്ട് എന്ന ചിത്രത്തിലൂടെ ശ്രദ്ധേയയായ ശ്രദ്ധ ജോസഫ്, പുതുമുഖങ്ങളായ,അഞ്ജന, കാർത്തിക,അനുപമ.എസ്. കുമാർ എന്നിവരും പ്രധാന വേഷങ്ങളിൽ എത്തുന്നു.

ചിത്രത്തിന്റെ എക്സിക്യൂട്ടീവ് പ്രൊഡ്യൂസർ : ദിനേശ് ടി സി.ക്യാമറ : ബിനു ചിത്രത്തിനായി സംഗീതം ഒരുക്കുന്നത് പുതുമുഖമായ : സാമുവൽ പോൾ വരികൾ എഴുതുന്നത് സാമുവലിന്റെ സഹോദരിയായ ഷാരോൺ പോൾ. ഒരുപക്ഷേ മലയാള സിനിമയുടെ ചരിത്രത്തിൽ തന്നെ ആദ്യമായിട്ടാകും ഇത്തരമൊരു കോമ്പിനേഷൻ. ആർട്ട്‌ : അരുൺ മോഹൻ കോസ്റ്റ്യൂം : ആതിര സോമൻ മേക്കപ്പ് : ദേവദാസ്
പ്രൊഡക്ഷൻ കൺട്രോളർ : ഹരി വെഞ്ഞാറമൂട് സൗണ്ട് ഡിസൈൻ : മൂസദ്‌.സൗണ്ട് മിക്സ്‌ : കരുൺ പ്രസാദ് അസോസിയേറ്റ് ഡയറക്ടെഴ്സ് : ഹിരൺ ഹരികുമാർ ,അഭിനന്ദ് എം.പി ആർ ഓ : മഞ്ജു ഗോപിനാഥ്.ഡിജിറ്റൽ മാർക്കറ്റിംഗ് : വിവേക് വിനയരാജ്.പബ്ലിസിറ്റി ഡിസൈനർ : ലേസി ആർടിസ്റ്റ്.

Story Highlights : ‘Middle Class Mathukutty’ Pooja ceremony held in Kochi