ബിബിൻ ജോർജ് ചിത്രം ‘I C U'(ഐ സി യു) വീഡിയോ ഗാനം പുറത്ത്

ബിബിൻ ജോർജ്,ബാബുരാജ് എന്നിവരെ പ്രധാന കഥാപാത്രങ്ങളാക്കി ബിബിൻ ജോർജ് വർഗീസ് സംവിധാനം ചെയ്യുന്ന ‘I C U’ (ഐ സി യു) എന്ന ചിത്രത്തിലെ ഒഫീഷ്യൽ വീഡിയോ ഗാനം പുറത്ത്. ബി കെ ഹരിനാരായണൻ എഴുതിയ വരികൾക്ക് ജോസ് ഫ്രാങ്ക്ളിൻ സംഗീതം പകർന്ന് സൂരജ് സന്തോഷ് ആലപിച്ച ” ഒരാളിലായ് മനം ഒരാളിലായ്…..” എന്നാരംഭിക്കുന്ന ഗാനമാണ് റിലീസായത്.

മിനി സ്റ്റുഡിയോയുടെ ബാനറിൽ ജെയിൻ പോൾ നിർമ്മിക്കുന്ന ഈ സസ്പെൻസ് ത്രില്ലർ ചിത്രത്തിൽ തമിഴിൽ സൂര്യ നിർമ്മിച്ച ‘ഉറിയടി’ എന്ന ചിത്രത്തിലൂടെ ശ്രദ്ധേയയായ വിസ്മയ നായികയാവുന്നു. മുരളി ഗോപി, ശ്രീകാന്ത് മുരളി,മീര വാസുദേവ്,നവാസ് വള്ളിക്കുന്ന് തുടങ്ങിയവരാണ് മറ്റു പ്രമുഖ താരങ്ങൾ. സന്തോഷ് കുമാർ കഥ തിരക്കഥ സംഭാഷണമെഴുതുന്നു.

Read Also: അഷ്കർ സൗദാൻ ചിത്രം ‘ഇനിയും‘ ഫെബ്രുവരി 27-ന് തിയറ്ററുകളിലേക്ക്

ലോകനാഥൻ ശ്രീനിവാസൻ ഛായാഗ്രഹണം നിർവഹിക്കുന്നു.സംഗീതം-ജോസ് ഫ്രാങ്ക്‌ളിൻ,എഡിറ്റിംഗ്-ലിജോ പോൾ,പ്രൊഡക്ഷൻ കൺട്രോളർ-ഷിബു ജി സുശീലൻ,കലാസംവിധാനം- ബാവ,കോസ്റ്റ്യൂം ഡിസൈനർ-സ്റ്റെഫി സേവ്യർ,മേക്കപ്പ്-റോണക്സ് സേവ്യർ,സൗണ്ട് ഡിസൈൻ- വിക്കി,കിഷൻ, ചീഫ് അസോസിയേറ്റ് ഡയറക്ടർ-സജി സുകുമാർ,പ്രൊജക്ട് ഡിസൈൻ-രമേശ് തെക്കേപ്പാട്ട്, ഫിനാൻസ് കൺട്രോളർ-എം എസ് അരുൺ,വിഎഫ്എക്സ്-നിതിൻ നന്ദകുമാർ,ശബ്ദമിശ്രണം-എം ആർ രാജാകൃഷ്ണൻ,സ്റ്റിൽസ്-നൗഷാദ്, ഡിസൈൻ-ടെൻ പോയിൻ്റ്,മാർക്കറ്റിംഗ്- ബ്രിംഗ്ഫോർത്ത്,പി ആർ ഒ-എ എസ് ദിനേശ്.

Story Highlights : Bibin George’s movie ‘I C U’ video song out