‘ട്വന്റിഫോർ ബിസിനസ് കോൺക്ലേവ് കേരള വികസനത്തിന് ദിശാബോധം നൽകുന്നത്’; കെസി വേണു​ഗോപാൽ

ട്വന്റിഫോർ ബിസിനസ് കോൺക്ലേവ് കേരള വികസനത്തിന് ദിശാബോധം നൽകുന്നതെന്ന് എഐസിസി ജനറൽ സെക്രട്ടറി കെസി വേണു​ഗോപാൽ. യുവാക്കൾ ജോലി തേടി രാജ്യം വിടുന്നത് ഗുരുതര പ്രതിസന്ധി. ഇതിന് മാറ്റം വരണം. ഗുണമേൻമയുള്ള ജോലി ഇവിടെയുണ്ടാകണമെന്ന് കെസി വേണു​ഗോപാൽ പറഞ്ഞു. ട്വന്റിഫോർ ബിസിനസ് കോൺക്ലേവിൽ പങ്കെടുത്ത് സംസാരിക്കുകയായിരുന്നു കെസി വേണു​ഗോപാൽ.

വിദ്യാഭ്യാസ വകുപ്പും നൈപുണ്യ വികസന വകുപ്പും ഒരുമിക്കണമെന്ന് കെസി വേണു​ഗോപാൽ ആവശ്യപ്പെട്ടു. വികസന കാഴ്ചപ്പാടും നടപ്പാക്കാനുള്ള ആർജ്ജവവും ഉണ്ടാകണം. വലിയ വ്യവസായിക സംരംഭങ്ങൾക്ക് ഭൂമി ഇല്ലായ്മ പ്രശ്നമാണ്. എന്നാൽ പ്രകൃതി വിഭവങ്ങളും കാലാവസ്ഥ വരെ അനുകൂലമാണെന്ന് കെസി വേണു​ഗോപാൽ പറഞ്ഞു.

എയിംസ് പരാമർശിച്ച് കെ.സി വേണുഗോപാൽ. ബജറ്റിൽ എയിംസ്, അതിവേഗ റെയിൽവേ ഇടനാഴിയും പ്രതീക്ഷിച്ചിരുന്നുവെന്ന് കേന്ദ്ര മന്ത്രിയോട് കെ.സി വേണുഗോപാൽ പറഞ്ഞു. ബജറ്റ് നിരാശപ്പെടുത്തിയെന്നും 15 വർഷമായി എം യിസ് ആവശ്യം ഉന്നയിക്കുന്നുവെന്നും കെസി വേണു​ഗോപാൽ പറഞ്ഞു.

Story Highlights : KC Venugopal in Twenty Four Business conclave