തൊടുപുഴ ജില്ലാ ആശുപത്രിയുടെ കെട്ടിടം അപകടാവസ്ഥയില്‍; പൊളിഞ്ഞുവീഴാറായ കെട്ടിടം അണ്‍ഫിറ്റെന്ന് സാക്ഷ്യപ്പെടുത്താതെ ജില്ലാ പഞ്ചായത്ത്

ഇടുക്കി തൊടുപുഴ ജില്ലാ ആശുപത്രിയുടെ കെട്ടിടം അപകടാവസ്ഥയായിട്ടും പൊളിക്കാന്‍ നടപടിയില്ല. 70 വര്‍ഷം പഴക്കമുള്ള കെട്ടിടം ‘അണ്‍ഫിറ്റ് ‘ആണെന്ന് ജില്ലാ പഞ്ചായത്ത് സാക്ഷ്യപ്പെടുത്തിയിട്ടില്ല. പൊളിഞ്ഞു വീഴാറായ കെട്ടിടത്തിലാണ് പൊലീസ് എയ്ഡ് പോസ്റ്റ് പ്രവര്‍ത്തിക്കുന്നത്. കെട്ടിടം പൊളിക്കണമെന്ന് ആവശ്യപ്പെട്ട് ആശുപത്രി അധികൃതര്‍ ജില്ലാ പഞ്ചായത്തിന് കത്തും നല്‍കിയിരുന്നു. (thodupuzha district hospital’s building in dangerous condition)

കഴിഞ്ഞ മൂന്ന് വര്‍ഷത്തിലേറെയായി കെട്ടിടം ഉപയോഗിക്കാനാകാത്ത അവസ്ഥയിലാണ്. അണ്‍ഫിറ്റാണെന്നുള്ള സര്‍ട്ടിഫിക്കറ്റ് ഇല്ലാത്തതിനാലാണ് പൊളിഞ്ഞു വീഴാറായ കെട്ടിടം പൊളിച്ച് മാറ്റാന്‍ സാധിക്കാത്തത്. കെട്ടിടം പൊളിക്കണമെന്ന ആവശ്യം വര്‍ഷങ്ങളായി ഉയര്‍ത്തുകയാണെന്ന് ആശുപത്രി വികസന സമിതി അംഗം അബ്ബാസ് മാധ്യമങ്ങളോട് പറഞ്ഞു.

Read Also: സര്‍ക്കാര്‍ മെഡിക്കല്‍ കോളജ് ഡോക്ടര്‍മാരുടെ സമരം; വീണ്ടും ചര്‍ച്ചയ്ക്ക് സര്‍ക്കാര്‍

കെട്ടിടം നിലവില്‍ പ്രവര്‍ത്തിക്കുന്നില്ലെങ്കില്‍പ്പോലും നൂറുകണക്കിനാളുകള്‍ വന്നുപോകുന്ന തൊടുപുഴ ജില്ലാ ആശുപത്രിയില്‍ ഏത് നിമിഷവും ഇടിഞ്ഞ് വീഴാറായ കെട്ടിടം നില്‍ക്കുന്നത് വലിയ ആശങ്ക ഉയര്‍ത്തുന്നുണ്ട്. നാല് മാസമായി കെട്ടിടം പൂര്‍ണമായി അടഞ്ഞുകിടക്കുകയാണ്. കെട്ടിടത്തിനകത്തേക്ക് ആളുകള്‍ കയറാതിരിക്കാന്‍ കയര്‍ മാത്രമാണ് കെട്ടിയിരിക്കുന്നത്.

Story Highlights : thodupuzha district hospital’s building in dangerous condition