കെഎസ്ആര്ടിസി + ലാലേട്ടന്, ആഹാ അന്തസ്; കെഎസ്ആര്ടിസിക്കായി പ്രിയദര്ശന് ഒരുക്കിയ പരസ്യ ചിത്രം പുറത്ത്
1 minute Read
മോഹന്ലാല് അഭിനയിച്ച കെഎസ്ആര്ടിസി പരസ്യ ചിത്രങ്ങള് പ്രകാശനം ചെയ്തു. പ്രമുഖ സംവിധായകന് പ്രിയദര്ശന് സംവിധാനം ചെയ്ത രണ്ട് പരസ്യചിത്രങ്ങള് മന്ത്രി കെ ബി ഗണേഷ്കുമാറിന്റെ സാന്നിധ്യത്തില് സ്പീക്കര് എ എന് ഷംസീറാണ് തിരുവനന്തപുരത്ത് പ്രകാശനം ചെയ്തത്.
മഞ്ഞില്വരിഞ്ഞ പൂക്കള് എന്ന ചിത്രത്തില് അഭിനയിക്കുന്നതിനായി മോഹന്ലാല് ആലപ്പുഴയിലേക്ക് നടത്തിയ യാത്രയെയാണ് കെഎസ്ആര്ടിസി പരസ്യവുമായി ബന്ധിപ്പിച്ചിട്ടുള്ളത്. കെഎസ്ആര്ടിസി ഗുഡ്വില് അംബാസിഡര്കൂടിയായ നടന് മോഹന്ലാലാണ് രണ്ട് പരസ്യചിത്രങ്ങളിലും മുഖ്യകഥാപാത്രം. സംവിധായകന് പ്രിയദര്ശന്റെ സംവിധാനത്തിലൊരുങ്ങിയ പരസ്യചിത്രങ്ങള് മാസങ്ങള്ക്ക് മുമ്പാണ് ചിത്രീകരിച്ചത്. മോഹന്ലാലിന്റെ സിനിമാ ജീവിതത്തിന്റെ കഥപറയുന്നുണ്ട് ചിത്രങ്ങള്.
പ്രതിഫലമൊന്നും വാങ്ങാതെയാണ് കെഎസ്ആര്ടിസിക്ക് വേണ്ടി മോഹന്ലാല് സഹകരിക്കുന്നതെന്ന് മന്ത്രി കെബി ഗണേഷ്കുമാര് പറഞ്ഞു. തന്നെ സിനിമയിലെത്തിച്ചത് പ്രിയദര്ശനെന്നും വേദിയില് ഗണേഷ്കുമാര് പറഞ്ഞു. മോഹന്ലാലുമായും പ്രിയദര്ശനുമായും തനിക്ക് ആത്മബന്ധമുണ്ടെന്നും അദ്ദേഹം വെളിപ്പെടുത്തി. മോഹന്ലാലുമായുള്ള സൗഹൃദത്തെകുറിച്ച് സ്പീക്കര് എ എന് ഷംസീറും സംസാരിച്ചു.
ആദ്യമായാണ് ഇന്ത്യയിലെ ഒരു റോഡ് ട്രാന്സ്പോര്ട്ട് കോര്പ്പറേഷന് ഒരു പരസ്യ ചിത്രം ഒരുക്കുന്നത്.
Story Highlights : Advertisement for KSRTC is out now
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English