മലയാളി സംവിധായകന്റെ തമിഴ് അരങ്ങേറ്റം;വടിവേലു നായകനാകുന്ന തമിഴ് ചിത്രം ‘പോർമുഴക്കം’ പ്രഖ്യാപിച്ചു

വടിവേലുവിനെ നായകനാക്കി ശക്തമായ കോടതിചിത്രവുമായി എത്തുകയാണ് സംവിധായകൻ എ. ബി.ബിനിൽ. ശ്രീനാഥ് ഭാസി നായകനായി എത്തി പ്രേക്ഷക ശ്രദ്ധ നേടിയ ‘പൊങ്കാല’ എന്ന ചിത്രത്തിന്റെ സംവിധായകനാണ് ബിനിൽ. ആദ്യം മലയാള ചിത്രത്തിന് ശേഷം തമിഴിലേക്ക് ചുവടുവെക്കുകയാണ്.

സാധാരണ മാസ് എന്റർടെയ്‌ന്മെന്റുകളിൽ നിന്നും വ്യത്യസ്തമായി,’ പോർമുഴക്കം’ഒരു ഗൗരവമേറിയ നിയമ ത്രില്ലറാണ്. ചിത്രത്തിൽ വടിവേലു ഒരു സത്യസന്ധനും ധൈര്യശാലിയുമായ പബ്ലിക് പ്രോസിക്യൂട്ടറായി അഭിനയിക്കുന്നു. വടുവേലുവിനെ കൂടാതെ സമുദ്രക്കനിയും ചിത്രത്തിൽ ഒരു പ്രധാന വേഷത്തിൽ എത്തുന്നു. ശക്തമായ രാഷ്ട്രീയ പശ്ചാത്തലമുള്ള ഒരു കൊലക്കേസിൽ, സിസ്റ്റത്തിന്റെയും അധികാരത്തിന്റെയും സമ്മർദ്ദങ്ങൾക്കിടയിൽ നീതി നിലനിർത്താൻ പോരാടുന്ന ഒരു അഭിഭാഷകന്റെ കഥയാണ് ചിത്രം പറയുന്നത്.

Read Also: ‘നിഴൽവേട്ട’ ചിത്രീകരണം വയനാട്ടിൽ ആരംഭിച്ചു

ബിഗ് ബഡ്ജറ്റ് ചിത്രം ‘ പോർമുഴക്കം’ നിർമ്മിക്കുന്നത് മണിലാൻഡ് ഗോൾഡ് പ്രൊഡക്ഷന്റെ ബാനറിൽ സി ജി ലാലുവാണ്. ചിത്രത്തിന്റെ മറ്റ് അഭിനേതാക്കളെയും സാങ്കേതിക പ്രവർത്തകരെയും പ്രഖ്യാപിച്ച ശേഷം ചിത്രത്തിന്റെ ഷൂട്ടിംഗ് ഉടൻ ആരംഭിക്കും.

Story Highlights : Tamil film ‘Pormuzhakam’ starring Vadivelu announced