കോണ്ഗ്രസ് സ്ഥാനാര്ഥി നിര്ണയം; ‘ഒരു തിരക്കുമില്ല; തീരുമാനം നാളെ പ്രഖ്യാപിക്കും’ ; സണ്ണി ജോസഫ്
2 minutes Read
കോണ്ഗ്രസ് സ്ഥാനാര്ഥി നിര്ണയവുമായി ബന്ധപ്പെട്ട് പല മണ്ഡലങ്ങളിലും അഭിപ്രായ വ്യത്യാസം തുടരുന്നു. നേതാക്കള് തമ്മില് തര്ക്കം രൂക്ഷമായതാണ് സ്ഥനാര്ത്ഥി പ്രഖ്യാപനത്തില് പ്രതിസന്ധി സൃഷ്ടിക്കുന്നത്. അതിനിടെ നേതാക്കള് എഐസിസി അധ്യക്ഷന് മല്ലികാര്ജുന് ഖര്ഗെയുമായി കൂടിക്കാഴ്ച നടത്തി. സ്ഥാനാര്ത്ഥി പട്ടിക ഇന്നുണ്ടാകില്ലെന്ന് കെപിസിസി അധ്യക്ഷന് സണ്ണി ജോസഫ് അറിയിച്ചു. (Congress candidate selection; decision tomorrow)
തീരുമാനം നാളെ പ്രഖ്യാപിക്കും. ഒരു തിരക്കുമില്ല. കോണ്ഗ്രസ് ഒരു അഖിലേന്ത്യാ പാര്ട്ടിയാണ്. മറ്റു സംസ്ഥാനങ്ങളിലെ തിരഞ്ഞെടുപ്പിന്റെ ക്രമീകരണങ്ങളുമുണ്ട. തളിപ്പറമ്പില് മാത്രമല്ല കേരളത്തില് സിപിഐഎം അഭിപ്രായ വ്യത്യാസങ്ങളും ആഭ്യന്തര പ്രശ്നങ്ങളും നിരവധി നേരിടുകയാണ്. – അദ്ദേഹം പറഞ്ഞു. എംപിമാര് മത്സരിക്കുന്നത് ഉള്പ്പെടെയുള്ള കാര്യങ്ങളില് അന്തിമ തീരുമാനമായിട്ടില്ലെന്ന് സണ്ണി ജോസഫ് പറഞ്ഞു.
തിരഞ്ഞെടുപ്പ് പ്രഖ്യാപനത്തിന് തൊട്ടുപിന്നാലെ സ്ഥാനാര്ഥി പ്രഖ്യാപനം നടത്തുമെന്നായിരുന്നു കോണ്ഗ്രസ് നേതാക്കളുടെ അവകാശവാദം. എന്നാല് ഡല്ഹിയില് ചര്ച്ചകള് ഇപ്പോഴും തുടരുന്നുകയാണ്. എംപിമാര് മത്സരിക്കുന്നതുമായി ബന്ധപ്പെട്ട് അന്തിമതീരുമാനമെടുക്കാന് കോണ്ഗ്രസ് നേതൃത്വത്തിന് ഇതുവരെ കഴിഞ്ഞില്ല. അന്തിമ ചര്ച്ചകള്ക്കായി ഇന്ന് കോണ്ഗ്രസ് കോര് കമ്മിറ്റി യോഗം ചേര്ന്നു.
ഡല്ഹിയില് എത്തിയ കോണ്ഗ്രസ് നേതാക്കള് രാഹുല് ഗാന്ധിയുമായും കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയുമായും കൂടിക്കാഴ്ച നടത്തി. നാളെ ചേരുന്ന തിരഞ്ഞെടുപ്പ് സമിതി യോഗത്തിന് ശേഷം ആദ്യഘട്ട പട്ടിക പ്രഖ്യാപിക്കാനാണ് ധാരണ. ആദ്യഘട്ട പട്ടികയില് 60 ല് ഏറെ സ്ഥാനാര്ഥികള് ഉണ്ടാകുമെന്നാണ് സൂചന. കെ സുധാകരന് നാളെ ഡല്ഹിയില് എത്തി ഹൈക്കമാന്ഡുമായി കൂടിക്കാഴ്ച നടത്തും.
Story Highlights : Congress candidate selection; decision tomorrow
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English