ഓൺലൈൻ തട്ടിപ്പ് പരാതി; കണ്ണൂരിലെ കോൺഗ്രസ് നേതാവ് തമിഴ്നാട് പൊലീസ് കസ്റ്റഡിയിൽ

ഓൺലൈൻ തട്ടിപ്പ് പരാതിയിൽ കോൺഗ്രസ് നേതാവ് കസ്റ്റഡിയിൽ. കണ്ണൂർ ഡി സി സി ജനറൽ സെക്രട്ടറി കല്ലിക്കോടൻ രാഗേഷിനെ തമിഴ്നാട് പൊലീസ് കസ്റ്റഡിയിലെടുത്തു. രാഗേഷ് പ്രസിഡന്റായ ലേബർ ബാങ്ക് വെൽഫെയർ കോ ഒപ്പറേറ്റീവ് സൊസൈറ്റിയുടെ അക്കൗണ്ട് വഴി തട്ടിപ്പ് നടന്നു.

തമിഴ്നാട് സ്വദേശിയാണ് ഒരു കോടിയിലേറെ രൂപയുടെ തട്ടിപ്പ് നടന്നതായി പരാതി നൽകിയത്. കണ്ണൂർ ടൗൺ പൊലീസിലും സോസൈറ്റിക്കെതിരെ കേസ് ഉണ്ട്. കെപിസിസി പ്രസിഡന്റ് കെ. സുധാകരന്റെ അടുത്ത അനുയായിയാണ്‌ അറസ്റ്റിലായ രാഗേഷ്.

സഹകരണ സംഘത്തിന്റെ അക്കൗണ്ടിലേക്ക് രണ്ട് തവണകളായി 2.22 കോടി രൂപ എത്തിയതാണ് അന്വേഷണത്തിന് തുടക്കം കുറിച്ചത്. സൈബർ തട്ടിപ്പ് സംഘമാണ് ഈ തുക അയച്ചതെന്ന് പൊലീസ് കണ്ടെത്തിയിട്ടുണ്ട്. തമിഴ്നാട് സൈബർ ക്രൈം വിഭാഗം നടത്തിയ വിശദമായ അന്വേഷണത്തിനൊടുവിലാണ് രാഗെഷിനെ കണ്ണൂരിലെത്തി അറസ്റ്റ് ചെയ്തത്.

Story Highlights : kannur dcc secretary kallikkodan ragesh arrested