കെപിസിസി സെക്രട്ടറി തൊടിയൂർ രാമചന്ദ്രൻ ബിജെപിയിൽ ചേർന്നു; മാറ്റം നാടിൻ്റെ ആവശ്യമെന്ന് രാജീവ് ചന്ദ്രശേഖർ

കെപിസിസി സെക്രട്ടറി തൊടിയൂർ രാമചന്ദ്രൻ ബിജെപിയിൽ ചേർന്നു. കരുനാഗപ്പള്ളി യുഡിഎഫ് ചെയർമാൻ ആയിരുന്നു തൊടിയൂർ രാമചന്ദ്രൻ. ബിജെപി സംസ്ഥാന അധ്യക്ഷൻ രാജീവ്‌ ചന്ദ്രശേഖർ അംഗത്വം നൽകി. കാർഡിയോളജിസ്റ്റ് ഡോ പ്രതാപ് കുമാർ, കോവളം സിപിഐഎം മുൻ ഏരിയ കമ്മിറ്റിയംഗം എൻ എ റഷീദ് എന്നിവരും ബിജെപിയിൽ ചേർന്നു. എൻസിപി ദേശീയ സമിതിയംഗം ദേവപ്രശാന്തും ബി ജെ പി വേദിയിൽ എത്തി. തൊടിയൂർ രാമചന്ദ്രൻ കരുനാഗപ്പള്ളി സ്വദേശിയാണ്.

കേരളത്തിൽ പുതിയ ഭരണം കൊണ്ടുവരാൻ ശ്രമിക്കും. മാറ്റം നാടിൻ്റെ ആവശ്യവെന്ന് രാജീവ് ചന്ദ്രശേഖർ വ്യക്തമാക്കി. വികസന രാഷ്ട്രീയമാണ് ചർച്ചചെയ്യുക. ജനകീയ വിഷങ്ങൾ മുന്നോട്ടുവെയ്ക്കും. നിർണ്ണായക തിരഞ്ഞെടുപ്പാണ് നടക്കാൻ പോകുന്നത്. നാടിൻ്റെ വികസനത്തിനായുള്ള പ്രചാരണം നടക്കും. NDA ഇന്ന് സ്ഥാനാർഥികളെ പ്രഖ്യാപിക്കും. ആദ്യ ഘട്ട സ്ഥാനാർഥി പ്രഖ്യാപനമാണ് ഇന്നുണ്ടാകുകയെന്നും രാജീവ് ചന്ദ്രശേഖർ വ്യക്തമാക്കി.

Story Highlights : kpcc secretary thodiyur ramachandran joins bjp